சிவஞான சுவாமிகள் அருளிச்செய்த
குளத்தூர் அமுதாம்பிகை பிள்ளைத்தமிழ்.

kuLattUr amutAmpikai piLLaittamiz of
civanjAna cuvAmikaL
In tamil script, unicode/utf-8 format





சிவஞான சுவாமிகள் அருளிச்செய்த
குளத்தூர் அமுதாம்பிகை பிள்ளைத்தமிழ்.


கணபதிதுணை.
Source:
குளத்தூர் அமுதாம்பிகை பிள்ளைத்தமிழ்.

கைலாசபரம்பரைத் திருவாவடுதுறையாதீனத்துச்
சிவஞான சுவாமிகள் அருளிச்செய்தது.

இது மேற்படி யாதீனத்து விசுவலிங்கசுவாமிகளாலும்
இராமநாதபுரம் இராமசுவாமிப்பிள்ளையாலும்
பரிசோதித்து, சென்னப்பட்டணம்
ஊ. புஷ்பரதச்செட்டியாரது கலாரத்நாகரம்
என்னும் அச்சுக்கூடத்திற் பதிப்பிக்கப்பட்டது.
பிரபவ வருஷம் ஐப்பசி மாதம்.

-----------------------------------------------------------

ஆசிரியர் கருத்து.

மனம்வாக்கி லெட்டாத சிற்சத்தி யாயிடினு மன்பதைக ளுய்யவேண்டி
        மலையரையன் முதலோ ரிடத்தவ தரித்தொரு மடப்பிள்ளை யாய்வருதலால்
இனநாட்டி வாழ்த்திடுவர் பெரியோர்கள் வாழ்த்தற் கெடுத்தவித் தாரகவிதாம்
        எண்ணிடிற் பலவா மவற்றிற்கு முதலாக வேன்றபெண் பிள்ளைக்கவி
முனிவோட்டு காப்புநற் கீரைதால் சப்பாணி முத்தம்வா ரானை மற்று
        மொழியுமம் புலிப்பருவ மம்மானை நீரூசன முறையினை யிருபருவமும்,
நனிவாய்த்த வகவலின் விருத்தத்தி னாற்பாடி நவிலுமுத் திங்கண்முதலா
        நயந்தமூ வெழுதிங்க ளளவினிற் கேட்பிக்கு நன்மைய தெனப்புகல்வரே.

அவையடக்கம்.
இளம்பருவ விளையாட்டை நோக்குழித் திருவுரு விடத்தாசை மிகுதி யுண்டா
        மென்பதால் வித்தார கவிக்கெலா முன்னுற வியன்றபிள் ளைக்கவியிதைக்
குளந்தையிற் சோமேசர் மார்பினைக் கொங்கையாற் குழைவித்த வமுதவல்லி
        கோமளப் பருவத்தி லருகொன்று தாதியர்சொல் கூற்றெனப் புகழ்த லுற்றேன்
வளம்பெருகு மிமையவரு மேத்தொணாப் பெருமாட்டி மகிமையென் புன்மொழிகளால்
        வாழ்த்தரிய தாமெனினு மாங்கவள் கிரிக்கிறைவன் மகளாகி யதுவுமல்லால்
உளங்கொடியர் வாழ்வலைச் சேரியுனு மவதரித்தொளிர்பாசி சங்கு பூட்டி
        உண்மகிழ்ந் தருளுதலி னென்மொழிக் கும்பெரி துவந்தருள் சுரக்குமெனவே.

-----------------------------------------------------------


கணபதி துணை.
திருச்சிற்றம்பலம்.

குளத்தூர் அமுதாம்பிகை பிள்ளைத்தமிழ்
------------

விநாயகக்கடவுள் வணக்கம்.

மணிகொண்ட கோடொரு மருங்குண்மை யாற்பெண் மைவடிவென்று மஃதின்மையோர்
        மருங்குன்மை யாலாண்மை வடிவென்று மீதுகீழ் மாறிய திருக்காட்சியால்
அணிகொண்ட வுயர்திணைய தென்றுமஃறிணையென்றும் யார்க்குங்கிளக்க வரிதாம்
        ஐங்கரச் சிந்துரத் தின்கழற் செஞ்சரண மஞ்சலித் துத்துதிப்பாம்
பணிகொண்ட துத்திப் படத்திற்கிளைத்தவிர் பரூஉமணி விளக்கி னொருபாற்
        பாயிருட் படலஞ்செறிந்தொளிர்வ தென்னவப் பாம்பணை கிடக்கு மொருவன்
திணிகொண்ட மல்லற புயக்குவடு விம்மத் திளைக்குமகள் வாணிபிரியாத்
        தென்குளந் தாபுரி யிருந்தவமு தாம்பிகை செழுந்தமிழ்க் கவிதழையவே.
        -----------

1. காப்புப்பருவம்.


        திருமால்.

சீர்கொண்ட கஞ்சக் கிழத்திதன் காந்தனைச் சிறைசெய்த வாறறிந்தாற்
        செயிர்த்துறந் திருமனைவி மகன்மருகி தமையெலாஞ் சிறைசெய்யு மென்றறிந்தும்
ஏர்கொண்ட மைத்துனக் கேண்மையா லர்ச்சுனற் கிறுதிநாள் பயவாமையே
        எண்ணிமுன் பரிதியைப் பரிதியாற் றடைசெய்த வேந்தற்பிரான்புரக்க
பேர்கொண்ட மேனிலச் சோபான மிசையேறு பேதைமார் முகனோக்கிநம்
        பேரரசு கொள்ளவரு மதிபோலு மிதுவெனாப் பெரிதுமேக் குற்றவர்கடங்
கார்கொண்ட பின்னற் கரும்பாந்தள் கண்டுளங் கவலாது களிகூர்ந்துதண்
        கலைமதியம் வைகுபொழில் சூழ்குளத் தூர்வருங் கடவுட் பிராட்டி தனையே. (1)

        சிவபெருமான். வேறு.

அளிசு ரந்தமரர் பசிகெ டும்படியி னமிழ்து தந்தகதிர்கொள்சடைக் காட்டிடை
        அழல்வி டஞ்சொரியு மரவி னம்பசிய வறுகு வெண்டலைகள் பல்குறச் சூட்டியும்
அரிய யன்பரச வவரி டும்பைதெறு மலர்செ ழுங்கமலம் வெல்கரத் தோட்டிடை
        அணைவு றும்பொருள்கள் கருக வெம்புசுட ரவிரு மங்கியினை வெய்தெனக் காட்டியும்
இளிவ ரும்பொன்மலை வளையு முன்பவுண ரெயிலொ ருங்கவிய வெள்ளுபொற் றோட்கிடை
        இடுவ னங்களினி லுயிர்ம டிந்தவர்த மிகழு மென்பினையு மைதெனப் பூட்டியும்
எழுத ருஞ்சொன்மறை முடிவு மன்பர்தம திதய மும்பரவ நல்குமெய்த் தாட்டுணை
        எமது புன்றலையு முறந யந்துமரு ளியப ரம்பரனை யுள்ளுறச் சேர்த்துதவும்
தளிர்து வன்றியிருள் படநி ழன்று குளிர் தழுவிவண்டுதுதை செய்துணர்ப் பூத்திரள்
        ததைவு கொண்டு நறு மணம ளைந்துமகி தலம சும்புபட வெள்ளமட் டூற்றெழு
தரவ ளர்ந்துமுகி லகடு டைய்தழகு தபவு தைந்துதிசை யெல்லையைக் காத்திடு
        தறுக ணெண்கரியை முடுகு றுங்கருவி தகுமி தென்றெவரும் விள்ளமொய்த் தார்த்தவிர்
ஒளியு மிழ்ந்துலவு பரிதி மண்டலமு முடுப மண்டலமு நில்லெனத் தாழ்த்திவிண்
        ணுலகு சென்றுசுரர் தருவொ டும்பழகி யுறவு கொண்டுமகிழ் பலவளக் காக்களின்
உறைப சுங்கிளிகள் சுருதி சந்தையுட னுரைசெய் கின்றதனை மல்குபுத் தேட்குலம்
        ஒளியி ருந்துகவர் பதிகுளந்தைவரு முரைவி ளங்கமுத வல்லியைக் காக்கவே. (2)

        விநாயகக்கடவுள். வேறு.

ஒற்றைச் சுதைத்தனுக் கோட்டியெங் கணுமின்னி யோவாது மும்மாரிபெய்
        தொண்பூ தலத்துலவு செங்கொண்டல் போலுமென் றுன்னியச் சுற்றியாமிதற்
கெற்றைக்கு மூர்தியா யுற்றிடக் கடவமென் றிருண்மேக மருகுவந்தாங்
        கிலகுகரு மூடிகத் தாதிப் பிரான்சரண மேத்தெடுப் பாமெம்பிரான்
கற்றைப் பிறைக்கொழுந் தொளிர்சடில வட்டமேற் கணமணிப் படம்விரித்துக்
        கண்வளரு மகிநீர்மை தலையுவா ஞான்றுசெங் கதிர்கிர கணங்கடுக்கும்
பெற்றித் திறந்தெரிந் தானந்த வெள்ளப் பெருங்கடல் குடைந்தாடுறூஉம்
        பெண்ணணங் கரசியைத் தென்குளத் தூரெம் பிராட்டியைக் காக்கவென்றே. (3)

மாங்குயி றுரந்துசுவை யூற்றெழ மிழற்றுமொழி வானமீன் மாதரறுவர்
        மருமத் தெழுந்தபொன் வள்ளத்தி னமிழ்துண்டு மருவிவாழ் தற்குரியதன்
றேங்கமல வீட்டினைத் தனதெனக் கொண்டுவாழ் திசைமுகனை வெய்துயிர்த்துச்
        சிரநான்கு மோதப் புடைத்துப் பிணித்துவன் சிறையிட்ட தேவை நினைவாம்
ஓங்கலொரு வில்லா வளைத்தெயி னகைத்தனலை யூட்டியருள் சோமேசனார்
        ஒருமூ விழிக்கிடைந் தஞ்சிச் சரண்புகுந் தோலமிடு புண்டரீகம்
பூங்குவளை மாரனுக் கருள்செய்து முகமெனப் போர்கொண்ட வாள்விழியெனப்
        பொய்த்தநுண் ணிடையெனத் தாங்குங் குளந்தா புரிக்குளமு தைக்காக்கவே. (4)

        பிரமதேவர்.

தவளக் குரூஉமணி குயிற்றியொளிர் தபனியத் தனதுமனைவாயினிறுவுந்
        தண்ணிய விதழ்க்கத வடைத்துத் திறக்குந் தனித்தொழிலை வண்டு முரலும்
பவளச் சரோருகத் தன்னைதன் னோடுற் பவித்தபுல வற்கு மந்தப்
        பண்ணவற் கெதிரான புலவற்கு மாகப் பணித்தவிறை வன்புரக்க
கவளக் கடாங்கவிழ் கவுட்டுணை நெடுங்கைக் களிற்றுப் பிடர்த்தலைவருங்
        கண்ணா யிரங்கொண்ட விண்ணாடர் கோமகன் கற்பகச் சோலை விடபந்
துவளக் குடங்கைத் தலத்தினிற் கோட்டித் துணைத்தமுலை மாதர் மலர்கொய்
        தூமணித் தெற்றிக ணெருங்கிய குளந்தைவரு சுந்தரப் பெண்ண முதையே. (5)

        தேவேந்திரன். வேறு.

அதிருந் தரங்கக் குண்டகழி யளறு படப்புக் குழக்கிமுழக்
        கசனிக் கிகலிக் கலித்துமதத் தடுக்க லெடுத்துத் தெறித்துவெகுண்
டெதிருங் குழூஉக்கொள் படைகவல விடறுங் கறைத்தாட் பரூஉத்தடக்கை
        இறைக்குங் கடவெண் களிற்றியானை யெருத்தத் திவரும் புருகூதன்
முதிருஞ் சுவைத்தெள் ளமிழ்தொழுகு முழுவெண் ணிறத்து மதிக்குழவி
        முருகு விரியுங் கதவுணதி முழுகித் திளைக்குஞ் சடைப்பெருமான்
கதிரும் விழிக ளிருள்சீப்பக் கங்குற் பொழுதி னொருங்கிருந்துங்
        கலவிக் குறிப்பிற் குளநாணுங் கமலா கரியைப் புரக்கவே. (6)

        இலக்குமி.

கடிப்போ தலர்த்திக் கருஞ்சுரும்பர் களித்துத் துயில்கூர் கற்பகப்பூங்
        கானம் பயிலுங் காமர்நகர்க் கவலை துரந்தின் னமிழ்தளித்துப்
படிப்பாற் பயிலு மகளிடத்துற் பவித்துப் புவன மூன்றனையும்
        பரிக்குந் திகிரிப் படைப்பாணிப் பகவன் மருமத் துறைமடந்தை,
விடப்பாம் பிரவி வெம்மைமிசை மேவா வண்ணங் குடைகவிப்ப -
        விரிக்குங் கதிர்ச்செம் பவளநிற வேணி யணையாப் புனிற்றுமதி,
முடிப்பா லரசுவீற்றிருக்கு முதல்வ னிடப்பா லிருந்துலக -
        முழுது முயிர்த்த குளந்தைநகர் மொய்பூங் குழலைப் புரக்கவே. (7)

        சரசுவதி. வேறு.

அளிக்கா தரவுற்றுச் சுவைத்தகள் - அளித்தார் வனசத்துப் பொகுட்டயன்,
உளத்தா மரைநச்சத் திளைத்தவன் - உரைப்பா லருள்பெற்றுத் தரித்தவள்,
களத்தால மடக்கிச் சுரர்க்கிடர் - களைத்தேய வொறுத்துக் கடைக்கணி,
குளத்தூர் நயனத்தற் கிடத்தமர் - குளத்தூ ரமுதத்தைப் புரக்கவே. (8)

        காளி. வேறு.

துளிக்கும் பசுந்தே னுவட்டெடுத்துச் சொரியுஞ் செழுந்தா மரைப்பொகுட்டுத் -
        தோன்றற் பெருமான் முதற்கடவுட் டொகுதிப் பைங்கூழ் களைக்கருக்கிக்,
களிக்கு மகிடா சுரக்களையைக் களைந்து சிரமேற் பாசடையிற் -
        கமல மெனத்தாள் பதித்திவர்ந்த கன்னி யெனுந்தெய் வதங்காக்க,
பளிக்கு மணிமா டங்கடொறும் பதிந்த தமது சாயலினைப் -
        பாரா வினமென் றிளஞ்சேய்கள் பரிந்து பரிந்து வருகவென,
விளிக்குங் குளந்தைத் திருநகரின் வெளிய மதியந் தவழுமுடி -
        விளங்குங் கதிர்ச்செம் பவளமலை மீது படர்பைங் கொடி யினையே. (9)

        சத்தமாதர். வேறு.

இலகொளி யுமிழ்தரு சிறையோ திமத்தவள் -
        எழிலுறுதவளவல் விடையூர் திறத்தவள் -
எறுழ்வலி மயில்கட வினள்வே றிரிப்பவள் -
        இருசிறை யொருகலு ழனையேறி நிற்பவள்,
உலகதிர் தரவருமரியே றுகைப்பவள் -
        உமிழ்கட மழைபொழி யயிரா வதத்தவள் -
உழிதரு குழிவிழி யுடல்பேய் நடத்துநள் -
        உவரெழு மகளிர்த மொளிர்தாள் பழிச்சுதும்,
அலகைக ணடமிடு மழலார் களத்தினில் -
        அமரர்க டபுமுடல் கழிபா னிறக்கலன் -
அரவொடு திணிவரை நிகர்தோ ளிடைப்பொலி -
        அணியென வணிதரு பெருமா னிடத்தமர்,
நிலவிரி நகையவ ளிருமூ வகைப்படு -
        நெறிகளு நிறுவிய வொருமா தவக்கொடி -
நிலமிசை யுயரிய கமலா கரத்துறை -
        நிருமலி மலைமக டனையே புரக்கவே. (10)

        முப்பத்துமுக்கோடிதேவர். வேறு.

சிறகரளி மொய்த்திதழ் கொழுதுமதி வைப்பசி சிதைய மடுத்துக் களித்தாடு தேமலர் -
செருகுமள கக்கன மதர்நெடு விழிக்கடல் சிறிது குடித்துக் கறுத்தார மேவிய -
திணிமுலை மலைச்சொரி திதலைநிதி யத்திரள் செழுவிய பொற்புக்கடற்பாய வாரெழில் -
செறிதரு மடித்திரை யிடையறலொழுக்கிய திறமை நிகர்த்தொத் தொழுக்கா முரோமமுங்,

குறைவற வளித்தருள் குவலய மடக்கொடி குளிர்கெட நச்சிக்கறைப்போர்வை யாலுடல் -
கொழுவிய தெனத்திசை முழுவது மடக்கிய குமரி யிருட்டைப் படச்சாடு மாதவர் -
குலவுகிர ணச்சுவை யுணவினை யுணத்தனி குறுகிய பொற்சக்கரச்சேவல் போலொளிர் -
குருமணி குயிற்றிய புயமலை குழைக்கெதிர் குயமுடி யைச்சற் றெடுத்தேறு பார்வையும்,

வெறிகமழு முற்பல நறுமலர் மறைப்பினில் விழைத னலத்தைப் படித்தேக நீள்செவி -
வியனில மிறுத்தமை யெணிமற மிகுத்தவை வெருவி விழச்செற் றுகைத்தோடி நீடிய -
விரிமலர் தனக்கொரு மறைவிட மெனப்படும் விதியெ னெனப்புக்கு விற்காதி னோடமர் -
வினையிலி கரத்துழை சடைவனமுறற்கெழ விரைவில் விளைத்துக் குதித்தாடு பார்வையும்,

இறைமையு மளப்பறு மழகொளிர நிற்பவ ளிமைய மலைக்கட்கொடிப்போலமேவிய -
இனியமட மைக்குயின் மரகத மயிற்பெடை யிரையு மிருக்குக் குளத்தூரி னாடியென் -
னிருமைவினை முற்றற வெனையுமடி மைக்கொளு மெழிலமிழ் தச்சத்திவைப்பான காவலா -
எரிகதி ருருத்திரர் விறல்வசு மருத்துவ ரெனுமிவர் முப்பத்து முக்கோடி தேவரே. (11)

        காப்புப்பருவ முடிந்தது.
        ---------------

2. செங்கீரைப்பருவம்


பொருவரிய வண்டப் பரப்பைமுழு தாளும் புராதனர் முகத்து விழியாப் -
        போந்துலவு நங்கொழுநர் தம்மைத் தடுத்திடர் புரிந்தகைக் கமல நமையும்,
பருவர லுறுத்துமென்றஞ்சிமென் குமுதமும் பங்கயமு மொன்றை யொன்று -
        பாதுகாப் பத்துயிலு மென்றர மடந்தையர் பரிந்துகொண் டாடு சீர்த்தி,
இருகைமல ரும்புவி பதித்தொரு முழந்தா ளிருத்தியொரு தாண்மெனிமிர்த் -
        திந்த்ரதிரு விற்கிடை தொடுத்தவெண் டரளநிரை யேய்ப்பநுதல் வேர்பொடிப்பத்,
திருமுக நிமிர்த்தொரு குளந்தையமு தாம்பிகை செங்கீரையாடியருளே -
        சிற்சபையி னெற்றிவிழி யற்புதனை யாட்டுமயில் செங்கீரை யாடி யருளே. (1)

பொங்கரி பரந்தசிறை வண்டினம் விருந்துணப் பூங்கமல நாண்முகையெலாம் -
        போதாக வெழுபரித் தேர்கடாய்க் கடன்முகடு பூப்பவரு பரிதிப்பிரான்,
சங்கின முயிர்த்தவெண் டரளவட மணியுமித் தாமரை முகிழ்த் துணையும்யான் -
        றண்டாத மெல்லிதழ் முறுக்குடைத் தல்லாது தணவலென் றருகுபோந்து,
வெங்கதிர்க் கற்றைகள் பரப்பியுல வுதலேய்ப்ப மின்னுமக ரக்குழைகதிர் -
        வீங்கிள முலைத்தலை யுமிழ்ந்துதண் புயமீது விளையாடி நிற்ப வதனத்,
திங்கண்மிசை யாடக் குளந்தையமு தாம்பிகை செங்கீரை யாடி யருளே -
        சிற்சபையி னெற்றிவிழி யற்புதனை யாட்டுமயில் செங்கீரையாடி யருளே. (2)

கார்பூத்த மறுவுண்ட வெண்கதிர்க் கலைமதி கவின்றநின்கமல வதனங் -
        காண்டோறு மறுவற்ற மதியீ தெனாவுட் கவன்றுமுன் னிற்க வஞ்சிப்,
பார்பூத்த தென்குளத் தூர்ப்பொங்கர் காவணம் பரியமதி னூழை யூடு -
        பையென நுழைந்தொளிந் தோடநிற் பணியவரு பங்கயச் செல்வி முதலோர்,
ஏர்பூத்த வங்கையர விந்தமலர் கூம்பவவ ரிணைவிழிக் குவளையெல்லாம் -
        இரும்புனற் றேத்துளி பொடித்துமிழ்ந் தலர்வர ளெனுமமிழ்த தாரை கான்று,
சீர்பூத்த முகமதிய மாடவமுதாம்பிகை செங்கீரை யாடியருளே -
        சிற்சபையி னெற்றிவிழி யற்புதனை யாட்டுமயில் செங்கீரை யாடியருளே. (3)

மணிதுற்ற தவிசெனப் பருமணிப் பருமம் வயங்குமடிமீதிருத்தி -
        மதிக்கடவு டன்மனை யெனக்குலாய்த் தன்னமிழ்தம் வாக்குவ தெனத்தீம்பயம்,
பணிலத்தின் வாய்க்குமுத மூட்டிமற் றிதுமாசு பரியாது சாலாதெனப் -
        பாரிழைத் தொருபொட்டு நுதன்மதிக் கிட்டுப் பசுங்கழையின் மஞ்ஞை நின்றாங்,
கணிபெற்ற புயமே லணைத்திரு மதித்தேவ ரளவளாய்க் குழீஇய தேய்ப்ப -
        அழகிய முகத்துமுத் தாடியெழின் மேனைசீ ராட்டமகிழ் கூர்ந்து கொடியேம்,
திணிவைத்த நெஞ்சங் கரைக்குமமு தாம்பிகை செங்கீரை யாடியருளே -
        சிற்சபையி னெற்றிவிழி யற்புதனை யாட்டுமயில் செங்கீரை யாடியருளே. (4)

முக்கனி செறித்தநறு நீர்ப்பந்தர் முல்லைவெண் முகையனையமூர லறுகான் -
        மூசிய விளம்பொங்கர் தேசுறு மலர்ப்பொய்கை முதலான வறம்யாவையும்
தொக்கமறை யாகம விதிப்படி யியற்றுநாட் டோலாத கருணைகூர்ந்து
        துண்ணென வெழுந்தரு டிருச்சோம நாதனார் தூமேனி குழைவித்தவை
இக்கரமு மிக்கரமு மித்தனமு மித்தனமு மென்றுயிர்த் தோழியர்களாய்
        ஏத்துமட மாதரார் தம்மைத் தெளித்திடுவ தேய்ப்பமுக மதிய மசையத்
திக்கெட்டு மேத்துங் குளந்தையமு தாம்பிகை செங்கீரை யாடியருளே
        சிற்சபையி னெற்றிவிழி யற்புதனை யாட்டுமயில் செங்கீரை யாடி யருளே.(5)

        வேறு.

பொங்கெழி னின்முக மாடு தொறுங்கமழ் போதரி நீள்விழிகள்
        பொற்செவி யிற்பல காலு மெதிர்ந்து புகுந்து மறிந்துலவச்
செங்கதிர் நீள்குழை தம்மொடு தாமெதிர் சென்று மணிக்கலொடுஞ்
        செயிரறு பொன்னி னரும்பு பிதி*ந்து தெறித்திட மோதுதிறந்
தங்கிளை சார்ந்திடை யாவகை சாற்றமொய் தாம் வயிற்படையாற்
        றண்குரு தித்துளி வீழ்தர வீரர்க டம்மொடு தாமெதிரா
அங்கை கலந்தம ராடுத லாமென வாடுக செங்கீரை
        அளந்தறி யாத குளந்தை நிலாவமு தாடுக செங்கீரை. (6)

பல்லுயி ருங்களி கூர்கரு ணைக்கடல் பம்பி வளைந்ததெனப்
        பாலொளி கான்ற நறும்புனல் சூழ்ந்து பரந்தொளிர் கம்பையிடை
வில்லுமிழ் மின்னுரு வச்சுடர் வேணிவிண் ணோனை வடந்தழுவி
        வீங்கிள வெம்முலை மார்புழ வங்கையின் மேதகு தோள்குழையப்
புல்லி யணைப்பது போல்வயி ரங்கள் பொதிந்தவிர் தொட்டிலினும்
        பொன்னணி பாவையொ டாடி யணைத்துப் பொழுது கழித்தருளும்
அல்லி மலர்க்குழல் வல்லி பராபரை யாடுக செங்கீரை
        அளந்தறி யாத குளந்தை நிலாவமு தாடுக செங்கீரை. (7)

குலத்தில் வளர்த்திடு மன்னையா செந்துகில் கூர்மடி மீதிமையக் -
        குன்றி னரக்கலர் வாழ்க்கை யெனக்களி கொண்டு குலாவியவர்,
கலைப்பொலி முகமதி யுங்குழன் முகிலுங் கண்டென வாய்க்குமுதங் -
        கதிர்த்த நகைத்தள வலர வரும்பக்கைக்கம லங்குவியா,
முலைக்கம லச்செமு முகையொடு நட்பு முயங்கிட வாடலுறும் -
        மூரி வளத்துத ரத்திரு வாலெழின் மொய்த்து மிகத்தழைய,
அலக்க ணறச்சுவை யாரமிழ் துண்பவ ளாடுக செங்கீரை -
        அளந்தறி யாத குளந்தை நிலாவமு தாடுக செங்கீரை. (8)

        வேறு.

வான மெழுங்கரு மேக வினங்கள் வறந்தீ ரம்போய்வன் -
        மால்வரை யெங்கணு மோடிட வென்றிமிர் வண்டூ தும்போது,
நான முயங்கிய வாச நறுங்குழ னந்தா வந்தீப -
        நாவி லெழுந்தொளிர் தூம வொழுங்கென நன்றார் மென்சாயன்,
மேவி நிறந்தரு மேனை யணங்கு விழைந்தார் வங்கூர -
        மீறி வளர்ந்தழ கான குளந்தை விளங்கா நின்றூறு, தேனிறை
கொன்றையி னானிட நின்றவள் செங்கோ செங்கீரை-
        தேவர் தொழுங்கலி யாண சௌந்தரி செங்கோ செங்கீரை. (9)

கோல நெடும்பனி மாலிமை யம்பயில் கொம்பே செம்பாத -
        கோகன தந்தொழு வாருள நின்ற கொழுந்தே பைந்தேனே,
ஞால மளந்தவ னாடு மரும்பெற னங்காய் வெங்கோப -
        நாமவிடஞ்செறி காமரு கண்டர்த நண்பே தண்போதோ,
டேல மளைந்திருள் கூரு நறுங்குழ லெந்தா யெம்பாசம் -
        ஈறு படும்படி ஞான மணங்கம ழின்பே யன்பாளர்
சீல மிகுங்கம லாகரம் வந்தவள் செங்கோ செங்கீரை -
        தேவர் தொழுங்கலி யாண சௌந்தரி செங்கோ செங்கீரை. (10)

செங்கீரைப்பருவமுடிந்தது.
-------------

3. தாலப்பருவம்.


மதுரங் கொழிக்குங் கொழுந்தேறன் மடுத்துச் சுரும்ப ரடைகிடக்கு -
        மலர்ப்பூந் தடத்தைக் காண்டலுஞ் செம்மணிகால் குடுமிப் பணியுலகம்,
இதுவு மரவந் தனக்கிடமா யிருக்குங் கொல்லா மென்றழுக்கா -
        றெய்தித் தன்கீழ்ப்படத் தாழ்த்து மியல்பை யறிந்தா லெனக்கரைக்கட்,
பொதுளி யுறவு கொண்டநறும் பொதும்பர் நாக ருலகெனுமொப் -
        புமையாற் புலவோர் பதிதாழ்த்திப் பொற்றா துதிர்க்குந் திருக்குளந்தைப்,
பதியின் மகிழு நறியசுவைப் பாகே தாலோ தாலேலோ -
        பணில முயிர்த்த தரளநகைப் பாவாய் தாலோ தாலேலொ. (1)

இருள்கால் சீத்துச் சோதிவெயி லெறிக்குஞ் செக்கர் மணித்தொகையின் -
        இழைக்கும் பசும்பொற் றலத்துயர்த்த விருங்கே தனத்தின் மிசையுயிர்கட்,
கருள்கால் கலைவெண்முழுமதிய மமரும் பரிசு தழனாப்பண் -
        அமைத்த தூணத் தருந்தவஞ்செய் யறவோர் கடுக்கு மேனிலத்துச்,
சுருள்கான் மலர்ப்பூங் கூந்தவிளந் தோகை யனையார்க் கெதிர்நடிக்குஞ் -
        சுரமா மகளிர் விழித்தொழிற்குத் தோற்றுச் சமழ்க்குந் திருக்குளந்தைப்,
பருகா வமிழ்தே பெருங்கருணைப் பரையே தாலோ தாலேலோ -
        பணில முயிர்த்த தரளநகைப் பாவாய் தாலோ தாலேலோ. (2)

மணங்கேழ் வனச மூற்றெடுத்து மதுவார் பொகுட்டுச் சுறாச்சுமந்து -
        வயிறு வருந்திக் கருவுயிர்க்க வயின்பார்த் துழலும் பெடைஞெண்டைக்,
கணங்கே ழயின்முட் டாட்படுத்துக் கவைத்தா ளிடையற் றலையூடு -
        கருவண் டினங்கள் புடைசூழக் கலந்து முரலத் துவக்குண்டு,
சுணங்கேர் முலைப்பெண் ணணங்குநினைச் சுமந்து மகளிர் தாலெடுப்பத் ** து
யலு மணித்தொட் டிலைக்காட்டுந் தொடுநீர் வாவித் திருக்குளந்தைப்,
பணங்கே ழரவப் பரல்குற் பரையே தாலோ தாலேலோ -
பணில முயிர்த்த தரளநகைப் பாவாய் தாலோ தாலேலோ. (3)

கந்தங் கமழு நறுங்களபக் கலவை யளைந்த முலைக்குவடாங் -
        கரடக் களிற்றின் மருப்பினிடைக் கவின்ற வுரோமப் புழைக்கரத்தால்,
நொந்தங் கமலந் திறுங்கொடிபோ னுணுகித் துவளுஞ் சிற்றிடையார் -
        நுவலுங் கிளவிக் கிடைந்தகுயி னுவலா தடங்கி யவ்விசையின்,
சந்தம் பலநா ளகம்பயிலத் தழுவிச் சிலநாள் வாய்விண்டு -
        சாற்றி யொப்பு நோக்கி யொவ்வாத் தவறாற் பின்பும் வாயடைக்கும்,
பைந்தண் பொழில்சூழ் குளந்தைநகர்ப் பரையே தாலோ தாலேலோ -
        பணில முயிர்த்த தரளநகைப் பாவாய் தாலோ தாலேலோ. (4)

சுரும்பர் துளைக்க வுவட்டெடுத்துச் சொரியு மிரதச் செழுங்கரும்பைச் -
        சுவைத்துக் கதலிக் குலைசாடித் தூங்குந் தெங்கம் பழஞ்சிதறி,
விரிந்த பசுநெட் டிலைக்கமுகின் மேவிக் ககனத் தருவையதன் -
        மீது படர்பூங் கொடிவழிபோய்மிதித்துக் குனித்து விளையாடி,
வரிந்த கழையி னெடுக்கயிற்று வழிபோய் நடிக்கும் பொருநர்திற -
        மானக் குரக்குக்குலங்குதிக்கும் வளஞ்சேர் பொதும்பர் சூழ்குளத்தூர்,
பரிந்து தொழுவோர் மனத்துநறும் பாகே தாலோ தாலேலோ-
        பணில முயிர்த்த தரளநகைப் பாவாய் தாலோ தாலேலோ. (5)

        வேறு.

சுலவித் தரனப் பவளக் குவைகள் சுருட்டிக் கரைபுரளுந் -
        துவலைத் திரைமைக் கடனின் றெழுமிரு சுடர்கணமு னச்சுடர்தஞ்,
சிலையிற் கவினக் குயிலு முருப்புன றீயைப் புடை பெருகச் -
        சிந்திப் பனிகூர் பொழுதிற் புனலிற் சேர்ந்தற மாற்றுநரை
உலறத் தெறுவெப் புடைவே னிற்பொழு தொள்ளெரி வாய்த்தவநோன்
புழப்ப வரைப்பொரு நொச்சி மதிற்குல மோங்கு குளந்தையெனுந்
தவனிற் பொலிவு பெறப்பயி லுங்கொடி தாலோ தாலேலோ
தகரக் குழலா யமுதப் பிடியே தாலோ தாலேலோ. (6)

கொங்கு விரிந்த நறுங்க மலங்கள் கொழிக்கு மதுப்புனலாக்
        குவிதர வூழ்த்துதிர் தண்ணிய தாதுகுவிக்கு மெருக்குவையாப்
பங்க நிரந்த வயற்கண் விளைந்து பழுத்தெழு நெற்குலைபோய்ப்
        பசும்புர வித்திரள் பூட்டிய தேரிற் பரிதிக் கடவுள்புடைப்
பொங்கொளி வெண்க வரித்தொகை வீசுவ போல வொசிந்தசையும்
        பொற்பு மிகுங்கம லாகர மேவிய பூரணி மெய்யடியார்
தங்கள் பணிக்கென வெம்மை யளித்தவ டாலோ தாலேலோ
        தகரக் குழலா யமுதப் பிடியே தாலோ தாலேலோ. (7)

பவளக் கொடிபடர் வேலை முகட்டிற் பாயொளி கான்றெழுசெம்
பரிதி நிகர்ப்பச் செம்மணி மாலை பரப்பிய மைக்குழன்மேற்
றிவளக் கதிர்விடு கொண்டை திருத்திச் செஞ்சுடர் வாண்மகரத்
திருவணி யக்கடன் மகர மெனத்தனி செருகிப் பகைஞருளந்
துவளச் சிலைபடு கணையென நுதலிற் சுட்டி தரித்தருகிற்
சுடர்பிர தாப மெனப்பொட் டெழுதித் துன்னிய கீர்த்தியெனத்
தவளப் பணிமூக் கிட்டொளிர் பாவாய் தாலோ தாலேலோ
தகரக் குழலா யமுதப்பிடியே தாலோ தாலேலோ. (8)

        வேறு.
பரந்த வெண்புணரி மீதோன் வேதா மாதேவர்
        பணிந்து தொண்டுசெய வேலே சேலே போலாடுங்
கருங்க ணுந்துமளி யீவாய் பாவாய் தாவாது
        கறங்கு வண்டளக மானே தேனே யேனோர்தம்,
புரங்க டந்தநகை வாயார் தூயார் சேயார்பாற் -
        புணர்ந்தி டும்பசிய தோகாய் நீகா வாய்காவென்,
றிரங்கு மன்பாக வாழ்வே தாலோ தாலேலோ-
        இலங்கு ளந்தைவரு தாளாய் தாலோ தாலேலோ. (9)

மலங்க டங்குமரு ளூராய் தாலோ தாலேலோ
        மலங்க டங்குமரு ளூராய் தாலோ தாலேலோ
கலங்க லந்தவரை யேயாய் தாலோ தாலேலோ
        கலங்க லந்தவரை யேயாய் தாலோ தாலேலோ
புலங்க டந்தபர நாடாய் தாலோ தாலேலோ
        புலங்க டந்தபர நாடாய் தாலோ தாலேலோ
இலங்கு ளந்தை வரு தாளாய் தாலோ தாலேலோ.
        இலங்கு ளந்தை வரு தாளாய் தாலோ தாலேலோ. (10)

        தாலப்பருவமுடிந்தது.
        ---------

4. சப்பாணிப்பருவம்.


உருப்பொலி மணிப்புன லுடுக்கைப் புவிக்கொடி யுரத்திற் குலாவுமாக்கள்-
        உருத்தொன்றை யாற்றினெதிர் பத்தாற்று வோமெனு முரைக்கிலக் கியமாகவொண்,
குருப்பொலி விரற்செறி செறித்துப் பொலந்தொடிகள் கொழுவித் தனைப் பரிவினாற்-
        கொண்டாடு நின்றிருத் தாதைகிளை யொன்றை க் குழைத்துப் பணித்தவிறைவன்,
திருப்பொலி கடுக்கைதழை தோட்குவடு பத்தையுஞ் செழுந்தமிழும் பாக்குழைத்துத்-
        திறல்கொண்ட நறுமலர்க் காந்தளங் கைத்தலஞ் சேந்தழகெறிப்ப விமையோர்,
தருப்பொலி மலர்த்தொடைக் கூந்த லமு தாம்பாகை சப்பாணி கொட்டியருளே,
        தண்டமிழ்ச் சுவைகண்ட தென்குளத் தூரம்மைசப்பாணி கொட்டியருளே. (1)

உள்ளொளி ததும்பிமேற் பொங்கிப் புறத்தினு முவட்டெடுத் துப்பரந்தாங்-
        கொழுகொளிய வெண்ணீறு மெய்ம்முழுது மட்டித் துயர்ந்தவடி யார்கள்குழுமி,
வெள்ளொளியினானுஞ் சிவத்துதி முழக்கானும் வேங்கைமக வுக்களித்த-
        விதிவச நினைந்தின்னும் வேண்டுவார்க் கருளாமை வேண்டுது மெனுங்கருத்தாற்,
றெள்ளுதீம் பாற்கடல் வளைந்தெனச் சூழ்போந்து சேர்ந்தனர் நெருங்குபொதியிற்-
        றெய்வத் திருக்கேள்வ ராட்டினுக் கேற்குந் திருத்தாள மென்னமலரைத்,
தள்ளியெழில் பூத்தநின் செங்கைத் தலங்கொண்டொர் சப்பாணி கொட்டியருளே-
        தண்டமிழ்ச் சுவைகண்ட தென்குளத் தூரம்மை சப்பாணி கொட்டியருளே. (2)

ஐவகைச் சுத்தியு மமைத்துவான் கம்பைநதி யருகன்பு பூப்பமலரால்-
        அஞ்சலி நிறைத்துமே னோக்கிமுக மதியினெதி ரல்கிய தெனக்குவிந்து,
மெய்வகைத் துவாதசாந் தத்தலத் தானந்த வெள்ளப் பெருஞ்சோதியை-
        விரிமலர்த்தவிசாகி யேற்றுமுன் போலென்ன மீண்டுங் குவிந்திழிந்தாங்,
குய்வகைச் சிவலிங்க நாப்பணா வாகித்தவ் வும்பனய னச்சுடரெதிர்-
        உறக்குவிந் தலர்விரைவு மானமுத் திரைகொடுத் துலவாது பூசைமுற்றுஞ்,
சைவமுறை யாற்றுகைப் பங்கயஞ் சேப்பவொரு சப்பாணி கொட்டியருளே-
        தண்டமிழ்ச் சுவைகண்ட தென்குளத் தூரம்மை சப்பாணி கொட்டியருளே. (3)

கடவுட் பொலம்பூமி காண்டற் கெழுந்தனக் கடையுகப் பெருவெள்ளநீர்க்-
        கடன்மிசை மிதந்திட்ட பூந்தராய் தழையவரு கௌணியர்கள் குலமணிக்கு,
முடவுப் பிறைக்கண்ணி மோலிப் பிரான்சைவ முறைநெறிச் சோகாப்பவன்-
        மூடப் புறச்சமய முழுவதுஞ் சோகாப்ப மூண்டசிலை யோ புல்லும்,
அடவிக் களிக்குந் தமிழ்க்குரிசி னீறிட வமண்கையருண்ணீறிட-
        அருண்மடை திறந்தூற்று திருமுலைப் பால்கறந் தமிழ்தஞா னங்குழைத்துத்,
தடவுப்பொன் வள்ளத்து வைத்தூட்டு செங்கைகொடு சப்பாணி கொட்டியருளே-
        தண்டமிழ்ச் சுவைகண்ட தென்குளத் தூரம்மை சப்பாணி கொட்டியருளே. (4)

தீங்கனிக் கிளவியால் யான்றவக் கோட்டிய செழுங்கழையு முகமூரனீள்-
        சேயரிக் கண்ணான் மெலித்தவர விந்தமுந் தேங்கமழு நறுமுல்லையும்,
பூங்குவளை மலருங் கதிர்த்தபொன் மேனியிற் போரிட் டொழித்த தளிர்கள்-
        பொங்கியொளிர் மாழையும் பிண்டியுஞ் சோகாந்து போதுவன வற்றையணையா,
ஏங்குகட லுலகமுத லெல்லாம் பணித்திடு மிருஞ்சமர் திண்மையுதவி-
        யிடையாத வில்லென்று மம்பென்றும் வைத்ததென் னென்றுநீ யொன்றோ டொன்றைத்,
தாங்கொளி ததும்பிடத் தாக்கியாங் கங்கைகொடு சப்பாணி கொட்டியருளே-
        தண்டமிழ்ச் சுவைகண்ட தென்குளத் தூரம்மை சப்பாணி கொட்டியருளே. (5)

        வேறு.

தவப்பய னைத்தொழு வார்க்கருள் செய்ய தடக்கையினேற்றுபொலந்-
        தடவுத் தொடியிற் செறியு மணிக்கட்டத்திப் பாய்ந்திடுநின்,
சிவக்கு மரிக்க ணிழற்று நிழற்றுணை செவ்விய நவ்விமறிச்-
        சீர்செய னோக்கி மகிழ்ந்துற வாடச் சேர்க்குது மென்றுமனம்,
உவப்ப வுவப்ப மறிந்து மறிந்து முறக்க வவிக்கவவி-
        உயிர்த்து வளர்த்தறுள் கூர்திரு மேனை யுளங்குளி ரச்சுழலும்,
குவைக்கவின் மொய்த்த தளிர்க்கையினம்பிகை கொட்டுக சப்பாணி-
        குளந்தை வயங்க வயங்கு மிளங்குயில் கொட்டுக சப்பாணி. (6)

அரக்கெழில் கொண்டு கனிந்த செழுங்கனி யாகச் சேயொளியை-
        அள்ளி யிறைக்கு முருக்கலர் போலழ காரதரத்தினையும்,
சரக்கு நறுஞ்சுவை வானமிழ் தேந்து சுடர்த்திரு வள்ளமெனத்-
        தூய மணித்தர ளத்தொடை பூண்டு துணைத்த தனத்தினையும்,
பரக்கு நிறத்தளி ரென்று பசுங்கதிர்பம்பிய மேனியையும்-
        பார்த்துத் துய்த்திட வாயூ றுஞ்சிறுபச்சை யிளங்கிளிதன்,
குருச்சிறை தைவரு மங்கையி னம்பிகை கொட்டுக சப்பாணி-
        குளந்தை வயங்க வயங்கு மிளங்குயில் கொட்டுக சப்பாணி. (7)

முழங்கு மிசைச்சிறை வண்டு விருந்துணு முண்டக நாண்மலர்கள்-
        மூரி மணித்தவி சாக வளர்ந்தருண் மூவிரு செவ்வுருவும்,
தழங்கு குளங்கரை யெய்தி யெடுத்தெழுதி றங்கிடு மோருருவாத்-
        தழுவி முலைக்குவ டார வனைத்தெதிர் தாங்குத லாற்றகிலா,
தழுங்கி விடுத்தொழி கங்கையுள் வெள்கியழுங்கி விளர்ப்பமுலை-
        அமிழ்த மருத்தி வளர்த்தருள் கூர்ந்தரு மைச்செய லாற்றியநின்,
கொழுங்கவின் மொய்த்த செழுங்கையி னம்பிகை கொட்டுக சப்பாணி-
        குளந்தை வயங்க வயங்கு மிளங்குயில் கொட்டுக சப்பாணி. (8)

        வேறு.

மதுகர முலவிய துலப வுரத்தினன் மட்டாரும்-
        மரைமலர் நிலவிய மறைமுனி பொற்றவி சிற்றேவர்,
முதுமணி முடிகுனி தரவர சிற்பொலி புத்தேளும்-
        முதலிய வனைவரு முளரிநிகர்த்த கரத்தால்விண்,
ணதிதரு புனலொடு தருமலர்நச்சி யிணைத்தாளிண்-
        நவையறு விதிமுறை சொரிதர மிக்ககுளத்தூர்வாழ்,
இதமுறு பரசுக வடிவினள் கொட்டுக சப்பாணி-
        இமகிரி தரவரு முமையவள் கொட்டுக சப்பாணி. (9)

அருள்பெறு மடியவர் விழியளி சுற்று மணத்தேனே -
        அவனியி னிடையற மெவையும் வளர்த்த சுவைப்பாகே,
திருமல ரமரர்கள் சொரிதரு பத்ம பதத்தாயே -
        தெளிமறைநெறியின ருளமொளிர் வித்த சுகப்பேறே,
முருகவிழ் மதுலழி நறுமலர் மொய்த்த குழற்கோதாய் -
        முனிவரர் மறையவரடியர் பழிச்சு குளத்தூரின்,
இருமையு முதவிடு மடமயில் கொட்டுக சப்பாணி -
        இமகிரி தரவரு முமையவள் கொட்டுக சப்பாணி. (10)

        சப்பாணிப்பருவ முடிந்தது.
        -----------------

5. முத்தப்பருவம்.


பகைத்த புரிசை மூன்றுமொரு பதத்தி னிறுத்துத் திருக்குளந்தைப் -
        பதியிற் கருணை பூத்தலர்ந்த பரமா னந்தப்பெருவாழ்வை,
நிகர்ப்பச் சிறுவெண் மதிகிடந்த நெடுவா ணுதன்மேற் போந்துலவி -
        நெறிக்கும் புருவச் சிலைகோட்டி நெய்த்துப் பழுத்த கொலைவேல் போல்,
வகுத்த மதர்க்கட் சரந்தொடுத்து மணிமே கலைசூ ழல்குலந்தேர் -
        வாய்ப்ப வெளிக்கொண் டெமதுமும்மை மலச்சோ வழலப் புன்மூரல்,
முகிழ்க்குந் தரளச் செங்கனிவாய் முத்தந் தருக முத்தமே -
        முருகு விரியு நறுங்களப முலையாய் முத்தந் தருகவே. (1)

வளைத்த கருப்புச் சிலையெடுத்து வனசக் கணையு மாங்கணையும் -
        வாசங் கமழு நறுநீல மலர்ப்பூங் கணையு மசோகினிடைத்,
தளைத்த நனைதாழ் கொடுங்கணையுந் தழுவிக் கொணர்ந்தென் னொடுந்தொடுத்துச் -
        சகல புவனங் களும்பணிக்குந்தண்ணங் குடையெங் குரிசிலைக்கண்,
டிளைத்த வெரியாற் படப்பொருத் திருவார் குளந்தைச் சிவவாழ்வைச் சிந்தை
        மருட்டிப் பணிப்பலெனத் திறல்கொண் டெழுந்த தளவம்போன்.
முளைத்த முறுவற் செங்கனிவாய் முத்தந் தருக முத்தமே -
        முருகு விரியு நறுங்களப முலையாய் முத்தந் தருகவே. (2)

பிதிரும் பொறிப்பொற் சிறைவிரித்துப் பெருந்தேன் மடுத்துத் தாதளைந்து -
        பெடையோ டாடிக் களிபூத்துப் பிறழா வகையின் னிசைபாடி,
அதிரும் பலவண் டினமுழக்க வலரும் பொகுட்டுத் தேங்கமல -
        வலர்க்குந் தனக்கும் பகைமையுற வமைத்துக் குளத்தூ ரமர்ந்தருளிக்,
கதிரும் பெருமானுளக்கமலந் தனையு மலர்த்தி வயமாக்கிக் -
        கலப்பா னெழுந்தா லெனவதனக் கலைவாண் மதியி னரும்புநிலா,
முதிரும் பவளச் செங்கனிவாய் முத்தந் தருக முத்தமே -
        முருகு விரியு நறுங்களப முலையாய் முத்தந் தருகவே. (3)

கொழுது வரிவண் டினமுரலாக் குளிர்பூந் தொடையன்முடிசாய்த்துக் -
        கும்பிட் டிறைஞ்சுங் கடவுளர்தங் குழாத்தைச் சிறிது மதியாத,
பழுது நிலவாத் திருக்குளந்தைப் பதிவா ழிறையோன் விழிச்சுடரின் -
        பரிசு நோக்கி மணியிதழ்க்க பாடஞ் சிறிதே திறந்துருவம்,
எழுதும் வினைஞர் தொழிற்கடங்கா வெழிலார் தனதொள் ளொளிகாட்டி -
        எழுந்தச்சுடரை வயமாக்கி யேக்கற் றமையம் பார்த்திருப்ப,
முழுது மடிமைக் கொளுநகைவாய் முத்தந் தருக முத்தமே -
        முருகு விரியு நறுங்களப முலையாய் முத்தந் தருகவே. (4)

இகந்த மனத்தாற் கடல்கடைந்த விமையோர் வெருவவெழுங்காளம் -
        எடுத்துப் பருகுந் திருக்குளந்தை யிறைவன் பவளத் திருவாய்க்கும்,
சகந்த னிலைமை தவாதோங்கத் தாவிக் குதிக்குஞ் சிறுமறிமான் -
        தழங்கு மரும்பே ரொலிமுழுதுந் தாங்குஞ் செவிக்கு மருந்தாக,
உகந்த வொளிதுன் றிய வெயிற்றி னூறு மமிழ்தப் பெருக்காறும் -
        உரைப்பா ணமிழ்தப் பெருக்காறு மூட்டிக் களிகூர்த் *தெழிதகடலை
முகந்த பவளச் செங்கனிவாய் முத்தந் தருக முத்தமே -
        முருகு விரியு நறுங்களப முலையாய் முத்தந் தருகவே. (5)

        வேறு.

அசும்புபட வாய்நீர் வழிந்தோட வோடிவந் தணையுமைங் கரக்களிற்றை -
        ஆகத் திடைக்கொண்ட னாப்பட் டடித்தென வணைத்தலும் பணைத்து வளர்பொற்,
றசும்புதனை யெ திருமிரு களிறெனத் தன்மத் தகங்கொண்டு தாக்கி மயிரின் -
        றண்ணிய வொழுக்கினை யணைக்குமொரு கந்தெனத் தடவுக்கை யாற்சுழியவவ்,
வீசம்புண்மறை பட்டெழுந் தெண்ணிலா வெனநகை விரித்தொல்லை மேலெடுத்து -
        வெகுளிதீர்த் துளங்குழைய முத்தாடி வைத்தாடும் வியனகர்க் குளந்தை வாழவே,
பசும்பொனவிர் திருமேனி யழகொளிர நின்றுநின் பனிவாயின் முத்த மருளே -
        பங்கயச் செல்விதொழு மங்கையர்க் கரசி நின் பனிவாயின் முத்த மருளே. (6)

சேட்டின மணிச்சோதி நீட்டுமிலை ஞாங்கர்துதி தீட்டுநின் னாட்டத்தினாற் -
        றெள்ளிய வருட்பார்வை வெள்ளமமிழ் தம்மைநீ தேக்கிடவு நீக்கி யளகக்,
காட்டினைக் காட்டி மயல் பூட்டிளம் பேட்டனக் கவினடைக் கன்னியரிடைக் -
        கட்டுண்டு மட்டுண்டு தட்டுண்டு பட்டிறுங் காளையரின் மாளுநரென,
மூட்டியபொன் மாடகத் தியாழுக்கு மிசையூட்டு மொழியமிழ்த மூட்ட விட்டு -
        மோட்டிருங் கோட்டுக் குவட்டைநிகர் வட்டமுலை முத்தையமிழ் தென்றேக்கறூஉம்,
பாட்டிசைக் கிள்ளைக்கு மீட்டுமிசை யூட்டுநின் பனிவாயின் முத்த மருளே -
        பங்கயச் செல்விதொழு மங்கையர்க் கரசிநின் பனிவாயின் முத்த மருளே. (7)

மடல் கொண்ட பூந்துழாய்ப் படலைமணி மார்பினான் மறைக்கிழவ னாதியண்ட -
        வாணரும் பதைபதைத் தோட்டெடுப்பக்கொடிய வளைகடற் புனன்மீதெழும்,
விடமுண்ட சோமேச னார்க்கினிய வாயமிழ்த மெல்லெனப் பருகுவித்து -
        விளியாத வண்ணமென் கொங்கையஞ் சஞ்சீவி வெற்புங் கொடுத்து மற்றும்,
உடனொன்றி மணிமிடற் றுலவா திருத்தலா னொருகணப் பொழுதுமகலா -
        துருப்பாதி யிற்கலந் தனுதினம் பாதுகாத் தொண்குளத் தூரின்மருவும்,
படமொன்று மரவல்கு லெழிலமுத வல்லிநின் பனிவாயின் முத்த முருளே -
        பங்கயச் செல்விதொழு மங்கையர்க் கரசிநின் பனிவாயின் முத்தமருளே. (8)

        வேறு.

சுறவே றியகொடி முதலா கியபடை சுற்றிவரத் தனிபோய்ச் -
        சுவைநீள் சிலைகொடு மலரார் பகழி துரக்கு மதக் கொடுவேள்,
இறவே நுதல்விழி வழியூ டழலெழு வித்ததிறற்பெருமான் -
        எரிபோ லொளிவிடு சடைமா முடியி னிருக்கு மதிக்கடவுள்,
வெறியார் திலகம தணிவா ணுதலெழி லிற்குளம் வட்கிநறா -
        விரிபூ விதழியை நடுமே னியினிறு விப்பொரு வக்கருதும்,
முறிபோ லுருவினள் கமலா கரமயின் முத்த மளித்தருளே -
        முதுநான் மறையறி வறியா வடிவினண் முத்த மளித்தருளே. (9)

பெருகா ரமிழ்தரு ளொளிசேர் மதியெழில் பெற்ற நுதற்கொடியே -
        பிறவா வருணெறி தருவா யெனுமவர் பெட்பினுளச்சுவையே,
முருவார் தகரமு மளிவீழ் மலரு மணத்த குழற்றிருவே -
        மதியா தவருள மருவா திருளென வைத்த மடப்பிடியே,
உருகா நெறியெம துளமா சறவு மொறுக்கு மறக்கடலே -
        உருவா யளவரு மருவாய் நிறைபொரு ளுக்கொருவைப்பிடமே,
முருகார் பொழிலணி கமலா கரமயின் முத்த மளித்தருளே -
        முதுநான் மறையறி வறியா வடிவினண் முத்த மளித்தருளே. (10)

        முத்தப்பருவமுடிந்தது.
        ------------

6. வாரானைப்பருவம்


வெள்ளித் தகட்டையரில் கொள்ளத் துறுத்தனைய வெள்ளிய சிறைப்பவளவாய் -
        வெள்ளோதி மத்திரள்கள் செஞ்சிலம் பொலியினையு மென்மடப் பிடியினத்தை,
எள்ளிக் கவின்கொண்ட திருநடைப் பொலிவினையு மெய்யாது கற்கவெண்ணி -
        இகபரப் பெருவாழ்வு வேட்டவர்க் கருளிநின் னிணையடிக் கமலமலரை,
உள்ளித் தொடர்ந்துசூழ் மொய்த்திடுஞ் சூழலிடை யுற்றுநீ யச்சூழலி -
        னொடும்பெயர்ந் தவிர்மதிய மூர்ந்துவர லேய்ப்பவொளி மாமணிக ளிருகரையினும்,
அள்ளிச் சொரிந்துலவு பாலிநா டாளவரு மமுதாம்பி கைவருகவே -
        அருண்மடை திறந்தூற்று புன்மூர லழகொளிரவம்பொனா யகிவருகவே. (1)

துளிபட்ட தேந்தொடைக் கூந்தலைக் காரென்று தோகைமுன் னாடிவரமென் -
        றுணைமலர்ப் பாதநடை கற்கவன்னத்திர டொடர்ந்துபின் னோடிவரவுட்,
களிபட்ட தீங்கிளவி கற்குநின் செந்தளிர்க் கைக்கிள்ளை பாடிவரவான் -
        கருணைபொழி கட்கடைப் பார்வையை வியந்துமான் கன்றினங் கூடிவரமெய்,
யொளிபட்ட வேதக் குழாங்கதறி யோலிட் டுனைப்பெரிது நேடிவரவில் -
        லுமிழ்மணிக் கோவைக் குரூஉப்பரும மீமிசை யுடுத்தவிடை வாடிவரமை,
அளிபட்ட பூஞ்சோலை சூழ்குளத் தூரில்வரு மமுதாம்பி கைவருகவே -
        அருண்மடை திறந்தூற்று புன்மூர லழகொளிர வம்பொனா யகிவருகவே. (2)

வில்லுமிழ் குரூஉமணிச் சுடிகைப் பணிக்குழாம் விரித்தபை நெரிதிதுருத்து -
        வீசுங் கலாபப் பசுந்தோகை யீட்டங்கண் மெல்லியலு நடையும்வேட்டு,
வல்லுறழ் மணிக்கோவை தாழ்ந்தமென் கொங்கைநின் மருங்குறச் சூழ்ந்துவரவவ் -
        வளரிளஞ் சாயலா னடையினைான் வேறறிய மாட்டாது மருளுமெம்மை,
எல்லொளித் தண்ணிலா நகைகொண்டு தேற்றிமற் றிருக்காதி யானநான்கும் -
        இன்னங் கிடந்துமுறை யிட்டுமறி வரியநின் னியல்பினைக் காட்டியருளி,
அல்லுமிழ் தடம்பொங்கர் சூழ்குளத் தூரில்வரு மமுதாம்பிகைவருகவே -
        அருண்மடை திறந்தூற்று புனமூர லழகொளிர வம்பொனா யகிவருகவே. (3)

வயிரா வணந்தொறு மெழுங்குளத் தூர்வந்து வான்கோடி ரண்டாயிரம் -
        வாய்த்ததனை யாளும் பிரானைமரு மத்திரு மருப்பினா லாளாண்மையும்,
செயிரா வணங்கினைப் பல்லுயிரு மெய்தத் தெறூஉமலக் களிறைந்தையும் -
        திக்கெட்டு மண்டப் பரப்புங் கடந்திறச் செற்றிடும் விழிவீரமும்,
பயிரா வணஞ்சொரியு மேகத்தி னருள்கூர்ந்த பதநடையு நோக்கியஞ்சிப் -
        பனிமா லடுக்கலெனு நுந்தையின் னுரிமையாற் பரிந்துபின் வருதலேய்ப்ப,
அயிரா வணம்பின்பு தொடரத் தொடைக்கூந்த லமுதாம்பி கைவருகவே -
        அருண்மடை திறந்தூற்று புன்மூர லழகொளிர வம்பொனா யகிவருகவே. (4)

விந்தையங் கிரிதனக் கிகலியுள் ளதுமுற்றும் வீந்தவீ றின்மையுந்தண் -
        வெள்ளிவே தண்டமொ ரரக்கன் பெயர்த்திட்ட மென்மையுங் ககனமீறும்,
மந்தர முதற்கிரி யிடைக்கட் பொலிந்தண்ட மார்க்கத் திரண்டுசுடரும் -
        வலமாய் வரப்புவிக் காதார மானதன் வன்மையையு நோக்கி நோக்கிச்,
சிந்தைகளி கூருமா மேருவைச் சிவபிரான் செங்கமல வங்கைபத்தும் -
        சேர்ந்துநித் தலுமுழக் கத்தளர்ந் தொசியாது செம்மாந்து விம்மியெள்ளும்,
அந்தனச் சிகரிமிசை யருவிநித் திலமிட்ட வமுதாம்பி கைவருகவே -
        அருண்மடை திறந்தூற்று புன்மூர லழகொளிர வம்பொனா யகிவருகவே. (5)

        வேறு.

தெய்வச் சுருதி தமிழ்க்கன்றித் தீட்டா நிலைமைத் தெனவுலகிற் -
        றெரிக்குங் காழித் திருஞானச் செம்மற் குழவிக் கருண்ஞானம்,
பெய்து குழைக்க வோமுலையாம் பெரிய மலைவா யுறுத்துமென்றோ -
        பெருமான் றனையுங் குழைத்தவலிப் பெற்றி யறிந்து தடுத்தோபூங்,
கையி லிலகு நகக்குறிபற் கதுவ நோமென் றோதீம்பால் -
        கறந்து கொடுத்தா யெனச்சகிமார் கனிந்து பாட நகைமுகிழ்க்கும்,
வைவைத் தமைத்த மதர்வேற்கண் வாழ்வே வருக வருகவே -
        வளங்கூர் குளந்தைப் பதியமுத வல்லி வருக வருகவே. (6)

குஞ்சி யசைய வலசந்துவருங் குமரப் பெருமான் றனையேந்துங் -
        குளிர்பூங் கரத்துத் தொடிகறங்கக் கொடிபோலொசியுஞ் சிறுமருங்குல்,
அஞ்சி நுடங்க வம்மருங்கு லணிந்த பருமங் கதிர்த்தேங்க -
        அணங்கு மிடைகண் டிரங்குவபோ லவிரு மணிநூ புரமொலிப்பப்,
பஞ்சி திருத்துஞ் சீறடிகள் பதிந்த சுவடு தொறுமிமையோர் -
        பனிகான் மோலிநிரைபுரளப் பதுமை முதலோர் களிதூங்க,
மஞ்சி வரும்பூங் குழற்கற்றை மாதே வருக வருகவே -
        வளங்கூர் குளந்தைப் பதியமுத வல்லி வருக வருகவே. (7)

கடிகொண் டலரு நறுங்கடுக்கைக் கடவுண் மகிழப் பேரண்ட -
        கடாகப் பரப்பே சிற்றிலெனக் கருமப் பகுப்பே சிறுசோறாம்,
படிகொண் டுயிராம் பாவைகட்குப் பைதன்மலநோய்ப் பசியிரியப் -
        பல்கா லயிற்றி விளையாடிப் பரமானந்தப் பெருவீட்டிற்,
குடிகொண் டிருக்குந் தீங்கரும்பே கொள்ளத் தெவிட்டாச் சுவையமுதே -
        குன்றம் பயந்த நறுங்கனியே கொழிக்குங் கருணைப் பெருக்காறே -
மடிகொண் டயரா தெமைப்புரக்கும் வாழ்வே வருக வருகவே -
        வளங்கூர் குளந்தைப் பதியமுத வல்லி வருக வருகவே. (8)

தீது விளைக்குங் களப்பணியுந் தேவர்குரவன் மனைச்செல்வி -
        திருக்கற் பளித்த களப்பணியுந் திளைத்துக் கலவி செயப்புகுங்காற்,
கோது விளைக்கும் பேரச்சக் குணமு நாணுங்கொடுக்குமெனக் -
        குறியேனினது சாயலுமின கொழிக்குங்காஞ்சி யல்குலுமே,
போது விளைக்குஞ் சடைக்காட்டிற் புகுந்து, வெளிக்கொ ளாதொளிக்கப் -
        பொலிவு தருமா லெனச்சகிமார் புகலச் சற்றே நகைத்தளிகள்,
வாது விளைக்கு முடிசாய்க்கு மாதே வருக வருகவே -
        வளங்கூர் குளந்தைப் பதியமுத வல்லி வருக வருகவே. (9)

அயில்கண் டனையஞ் சலித்தேத்து மன்னை வருக பெருங்கருணை -
        யாழி வருக தீவினையே மாவித் துணையே வருகவிடந்,
துயில்கண் டனையம் பலத்தாட்டுஞ் சுடர்பொற் கொடியே வருகவிளஞ் -
        சுகமே வருக நறுங்குதலை தோற்றுங் கிளவி யெனும துரம்,
பயில்கண் டனையா செவிக்கூட்டும் பசுங்கோ கிலமே வருகவென்றும் -
        பருகத் தெவிட்டாச் சுவையமுதப் பாவாய் வருக பசுந்தோகை,
மயில்கண் டனைய விளஞ்சாயன் மாதே வருக வருகவே -
        வளங்கூர் குளந்தைப்பதியமுத வல்லி வருக வருகவே. (10)

வாரானைப்பருவமுடிந்தது.
==============

7. அம்புலிப் பருவம்.


பொன்பூத் தலர்ந்தவன் மரவங்கண் மாலரி பொருங்களிற் றினம ளாவிப் -
        பொங்குமலை வாய்வருங்காரணத் தாற்செய்ய பொன்னஞ் சிலம் படியினின், --
மின்பூத்து நாளும் புலம்புறச் சூழ்தலான் மிடையுமங் கமல மயர -
        மிக்குறுங் குவலய மடங்கலுங் களிதூங்க விரியொளிக் கதிர் வீசலாற், --
கொன்பூத்த பெருமானை யணைதலால் வேளெனுங் குழகற்கு மகிழ்செய்த லாற் -
        கோமளப் பெண்செய்கை நின்செய்கை போலுமாற் கூர்ந்துணரி னிவளை யன்றி, --
அன்பூற் றெடுப்பவிளை யாடுதுணை வேறில்லை யம்புலீ யாடவாவே -
        அழகுவள ருங்குளத் தூரமுத வல்லியுடனம்புலீ யாட வாவே. (1)

மண்டலம் புகழாத வன்படுஞ் செவ்வியின் மாண்டவரை யுச்சி மீது -
        வயங்கிய கரஞ்சேர்த்தி யாணவ விருட்குழா மாற்றிநற் பசுமென் பயிர், --
கண்டக மகிழ்ந்துநெடு வானுற விளைந்தொளி கலந்தமணி கான்றகதிர்நீள் -
        கடிநாறு தன்னடி வணங்கவெளி வந்துதெண் கடலுலக முற்று மேத்த, --
விண்டல நெருங்குமீன் கணமாதர் புடைசூழ மேவியுல கந்தன தியல் -
        வீறுபெற நோக்கினா லீரெண் கலைப்பொலிவு மெய்மையிற் காட்டு முறையால், --
அண்டர்தொழு மெம்மையா ளம்மையை நிகர்ப்பைநீ யம்புலீ யாட வாவே -
        அழகுவள குங்குளத் தூரமுத வல்லியுட னம்புலீயாட வாவே. (2)

கங்கையும் பாந்தளுந் தும்பையுஞ் செம்பொற்கடுக்கைச் செழுந் தொடையலுங் -
        கபாலமுங் கொக்கிறகு மூற்றிருந் தொழுகுதேங் கமழ்ந்தபூ மத்தமுநறுங், --
கொங்குதவ ழாத்தியும் வன்னியு மெருக்குங் குளிர்ந்தவறு கம்புல்லு மேற் -
        கோமளப் புலவோரிறைக்குமந் தாதமுங் கொய்துதவர் தூற்றுமலருந், --
தங்கிய பிரான்சடைக் காட்டினி லுனக்குரிமை சற்றலால் வேறுமுண்டோ -
        தாவிலெண் ணான்கவய வத்தினுஞ் செம்பாதி தனதெனக் கொண்டு வாழும், --
அங்கவ ணினக்கதிக மென்பதற் கையமிலை யம்புலீயாட வாவே -
        அழகுவள ருங்குளத் தூரமுத வல்லியுட னம்புலீ யாட வாவே. (3)

உருநிறை யுவாத்தோறும் வாக்குநின் னமிழ்துண்ட வும்பர்த் தலத்தி னிமையோர் -
        உவாக்கட லுயிர்த்தவிட முன்னிற்ற லாற்றற்கு மொல்கினர்கள் சாவாதிரார், --
குருநிறை மணிக்கச் சணிந்தவிவள் பவளவாய்க் கொழியமுதம் வாய் மடுத்த -
        கோமளச் சோமேசர் விடமயின் றாற்றலுங் கொண்டன ரிறத்த லிலர்மற், --
றிருணிறை யிராவினை விளைத்தியிவ ளுண்ணிறையு மிருளிரா வினை முழுவதும் -
        இரித்திடுவளாதலா லிவளொடும் பொன்னோ டிடும்பனையை மன்ற வரிபாய் -
அருணிறை கடைக்கண்வைத் தெம் மையா ளம்மையுட னம்புலீ யாட வாவே -
        அழகுவளருங்குளத் தூரமுத வல்லியுட னம்புலீ யாட வாவே.(4)

தெளிக்குமெய் யன்பினால் வழிபட்ட நாளுனது செல்லனோய் தவிர்த்த ளித்த -
        திருச்சோம நாதனாருண்டருளு நஞ்சுஞ் சினந்தவிர்ந் துள்ளொ டுங்கத்,--
துளிக்குமெழி லங்கைத் தலத்திற் றடுத்திட்ட சுவையமிழ் திருப்ப வமிழ்தந் -
        துணைக்கரத் தேந்திப் பசிப்பணி தெறத்தினந் துயருழந் துழல்வோ ரெனக், --
களிக்குமுறை தேற்றாது வாளரா வுண்டுண்டு கக்கத் திகைத்து வெருவிக் -
        ககனவெளி யோடியும் வடகுவடு சுற்றியுங் கவலுநின் செங்கை நன்றே, --
அளிக்குல மிரைக்குங் கடிக்குழற் கன்னியுட னம்புலீ யாடவாவே -
        அழகுவள ருங்குளத் தூரமுத வல்லியுடனம்புலீ யாட வாவே. (5)

வணங்குமுறை யாற்றனது திருவுளப் படிநிற்கு மாந்தர்க்கு மலதி ரோத -
        மாயேய காமிய மருட்பிணி யவிழ்த்துநான் மறைமுடிவு மெட்டாத தோர், --
குணங்குறி கடந்தபே ரானந்த வெள்ளக் கொழுங்கடறிளைத் தாடிடக் -
        கொடுத்தருளும் வள்ளன்மை நிற்கமற் றுலகினுங் குளிர்தூங்க வெண்ணான் கறம், --
இணங்குவே தாகம வழித்துறை வழாவகை யியற்றியது காணா யலை -
        ஈங்குநீ வரினினது கறைபோக்கி வேண்டியது மீந்தருள் கொழித் தருளுவாள், --
அணங்கு கொண் டந்தரத் தலையாதெ மம்மையுட னம்புலீயாட வாவே -
        அழகுவள ருங்குளத் தூரமுத வல்லியுட னம்புலீ யாட வாவே (6)

குடங்கைமல ராற்செம்பொன் மேருவைத் தனுவெனக் கோட்டிய மலைக்கு மருகன் -
        கோமளச் சிலைமார்பு மைந்தனை யிரட்டித்த குவவுப் புயக் குவடுமேல், --
வடங்கதுவு மோட்டிளங் கோங்கினும் வண்டினு மலங்கக் குழைத் தவணினை -
        வருகென் றழைத்திடவு மதியந் திருத்தியிவள் வன்கதக் கனலி தோய்த்த, --
தடங்கட் கொடும்படைச் செய்யசுடர் வேல்கொண்டு தாக்கினுயிர் பொன்றி விடுதல் -
        சரதமற்றெங்கெங் கொளிப்புறினு மிவளிலாத் தானமொன்றில்லை கண்டாய், --
அடங்கிய தடங்கமல நெஞ்சாதனத்திருவொ டம்புலீ யாட வாவே -
        அழகுவளருங்குளத் தூரமுத வல்லியுட னம்புலீ யாடவாவே.(7)

துடிபட்ட கைத்தலத் தெம்பிரான் மகிழ்தருஞ்சுந்தரப் பெண்ணமிழ் தெனத் -
        தோன்றும் பிராட்டியைமு னெண்ணாத தக்கனார் துயர்கூர்ந்து பட்ட பாட்டை, --
முடிபட்ட வானவர் குழாத்தோடு முடனின்று முழுவதும் பட்டறிதி யிம் -
        மொய்குழற் - செல்விதனை யவமதித் தின்றுநீ முன்னுறா தகன்றொழிவை யேற், --
கடிபட்ட விதழ்தின்று கறுவினா னின்னிலைமை கடிபட்டு மாழ்குவை யலாற் -
        கலைமுழு மதித்தே வெனும்பழைய பெயரொடுங் கலைமதி யிலாததேவென், --
றடிபட்ட பாவிற் புதுப்பெயருமாளுவாயம்புலீ யாடவாவே -
        அழகுவள ருங்குளத் தூரமுத வல்லியுட னம்புலீ யாட வாவே. (8)

சங்கையா னங்கையிவ ளெம்பிரான் புலவியிற் றடங்கருங் கட்கடை நுதி -
        சற்றே கறுப்புழித் தாமரைச் சீறடிக டாக்குங் கடுந் தொழிலினாற்,-
கங்கையா டித்துடித் திவள்கருணை யாற்றினைக் கைகூப்பு மிறையேந்து மான் -
        கதறிவிழி மானைத் தொழுந்தொடையல் வண்டெலாங் கருங்குழற் றாவு மரவம், --
மங்கையா டாதபைப் பாந்தளைக் காவென்று வாவுமற் றாங்கு நீயும் -
        வாணுதன் மதிக்கிறைஞ் சிடுவையன் றேயதனை மதியாத தென்னைகொ லெமக்,--
கங்கையா மலகமென வன்புகூ ரம்மையுட னம்புலீ யாட வா வே -
அழகுவள ருங்குளத் தூரமுத வல்லியுட னம் புலீ யாட வாவே. (9)

கைப் போது நீட்டிமுன் விரித்துனை யழைப்பவுங்காணாதி போல்வந்திலாக் -
        காரணத் தாலம்மை சீறுதலு மங்கையைக் கரும்பாந்த ளென்றஞ்சி னான், --
இப்போது தாழ்க்கலான் வருவனென் றிதுகாறு மிவ்வாறு தப்பு வித்தோம் -
        இன்னுநீ வாராது மத்தரிற்றிரிதியே லினியுனக் கேது புகலோ, --
செப்போது கொங்கைப் பிராட்டியிவள் சோமேசர் செங்கண் புதைத்த ஞான்று -
        தினகரச் செல்வனொ டழுங்கித்திகைத்தநின் றிறமறந் தனைபோலு மால், --
அப்போது பட்டதை நினைந்துமற் றிவளுட னம்புலீ யாடவாவே -
        அழகுவள ருங்குளத் தூரமுத வல்லியுட னம்புலீ யாட வாவே. (10)

அம்புலிப்பருவமுற்றிற்று.
-------------

8. அம்மானைப் பருவம்.


வம்பிய றொடைக்கூந்தன் மீமிசைக் கதிர்வீச வாள்பட்ட கோற்றொ டிக்கை -
        மலரினைக் கண்டுசில வண்டத்து மதியங்கள் வனசமி தெனுங் கருத்தாற், --
பம்பியட ரிருள்கண்டு முகிழாமை யாற்றமைப் பரிசித்தல் வேட்ட தாகப் -
        பாவித் துறுந்தொறுந் தன்றுணைமை யன்மையாற் பங்கயம் விதிர்த்து வெகுளா, --
வெம்பியகல் வானத் தெழுந்தோ டிடத்தள்ளி விடலெனச் செங்கைக ளால் -
        வேலினை யிகந்தொருவிவார்தரு கொடும்புருவ வில்லொடு கிடந்து மிளிரும்,--
அம்பிய றடங்கணொளி கொண்டுலவு நித்திலத் தம்மானை யாடி யருளே -
        ஆரண முழக்குகமலாகர புரத்தலைவி யம்மானை யாடி யருளே. (1)

இருள்பூத்த நெறிசுரி கருங்குழ லரம்பையர்க ளெண்ணிலார் கவரி வீச -
        எறிசுடர் மணித்தவிசு வீற்றிருந் தரசுபுரி யேந்தல்குல வரைக ளோடுந், --
தெருள்பூத்த நுந்தைசிற கீர்த்தமை குறித்துச் செயிர்த்தவனை யண்ட முகடுந் -
        தெறிபடக் கைக்கொண் டெறிந்தோச்சி மீளத் திகைத்துவீழ் தோறு முன்றன், --
மருள்பூத்த வெகுளிதணி யாமையாற் பின்னரும் வன்கண்மை கொண்டோச்சல் போன் -
        மருங்குசூழ்தோழியர்த மிணைவிழியி னீழலை மரீஇச்சுலவி யோடியாட, --
அருள்பூத்த கைகளா லொளிபூத்த மரகதத் தம்மானை யாடி யருளே -
        ஆரண முழக்குகம லாகர புரத்தலைவி யம்மானை யாடி யருளே. (2)

ஒழுங்குபடு மண்டகோ டிகடொறு நிலாவுறூஉமொண்கமல மாநிதி களும் -
        ஒலிகொண்ட வெண்சங்க நிதிகளுஞ் சார்ந்தவர்க் குதவுநின் கரநோக்கி வான், --
செழுங்கதியு முய்த்தளித் திடுநிதிய மீதெனத் தேர்ந்துவந் தளவ ளாவித் -
        திருவாய்ந்து விடைகொண்டு தம்பதி குறித்துமேற் சேண்வழி நடத்த லேய்ப்பக், --
கொழுங்கதிர் பரப்பிக் கவின்றசெம் மணியாற் குயிற்றுமம் மனைகள் பலவுங் -
        குளிர்நிலாக் கான்றுவெள் ளொளிவீசு முத்தங் கொழிக்குமம் மனைகள்பலவும், --
அழுங்குமணி மேகலைச் சிற்றிடை யெடுத் தெடுத் தம்மானை யாடி யருளே -
        ஆரண முழக்குகம லாகர புரத்தலைவி யம்மானை யாடி யருளே. (3)

தேங்கலுழி யூற்றெடுத் தோடுமம் போருகச் செல்வமட வாரிருவ ருந் -
        திங்களைக் கண்டினி யிருக்கி னெமை நந்தவிசு சிறைசெயு மெனக் கவன்று, --
பூங்கமலம் விட்டொரீஇத் தங்கொழுநர் பதியுறப் போமிடைத் திரும்பி நோக்கிப் -
        புகழ்ந்திவை மதிக்குமுன் முகிழாமை தேர்ந்துளம் பூரித்து வருவ தேய்ப்பத், --
தோங்கனியு மும்மலத் துகளீர்க்கு நின்முகஞ்சுடர்பூப்ப வங்கை யேந்தித் -
        துரிசற்ற பவளத் திழைத்தனவு நித்திலத் தொகையிற் குயிற்றி யனவும், --
ஆங்கமணி வால்வளை தழங்கிட வெடுத்தெடுத் தம்மானை யாடி யருளே -
        ஆரண முழக்குகம லாகர புரத்தலைவி யம்மானை யாடி யருளே. (4)

புத்தமிழ் துகுத்துமணி மோலியங் கடவுளர் புரைப்பசிப் பிணித விர்த்துப்-
        பூதல மருங்கினும் பைங்கூழ்த் தொகுப்பெலாம் பூரிப்ப மாந்தர் முகனுஞ்,-
சித்தமு மலர்ந்துகளி கூரச் செழுங்கலைத் தீங்கதிர்பரப்பு யுலவுந் -
        திங்கட் பிரான் செந் துவர்க்கொடி படர்ந்தவெண் டிரைமுகட் டெழுங் காலையுந், -
தத்தலை விரிக்குங் குடாதுகடலுட்புகுஞ் சமயத்தி னுஞ் சேத்தல் போற் -
        றடங்கையி லெடுத்தெறியு மேல் வையினு மற்றது தடங்கையிற் புகும் போழ்தினும், -
அத்தமுமிழ் சேயொளி கவர்ந்தொளிரு நித்திலத் தம்மானை யாடி யருளே -
        ஆரண முழக்குகம் லாகர புரத்தலைவி யம்மானை யாடி யருளே (5)

மருள்கான்ற நெஞ்சச் சழக்கைத் தடிந்தின்ப வான்கதி கொடுக்கு நின்கை -
        வயங்குபொற் கடகத்திருங்கவின் முகந்துமலர் வள்ளலை நிகர்த்து விழியின், --
இருள்கான்ற நீலங் கவர்ந்தராப் பாயலிடை யேந்தலை நிகர்த்து நுதலின் -
        இட்டசிந் துரவெழில் கவர்ந்துநின் கொண்கரை யிணைந்துமேற் போந்து லாவித், --
தெருள்கான் றெவற்றினுந் தோய்வற்று நின்றவச் சிற்பரம் பொருளை யொத்துச் -
        சேணாடர் கொண்டாட வாடச் செழுங்கருணை தேக்கிநிறை சோமேச னார், --
அருள்கான்ற கண்களி பயப்பமணி நித்திலத் தம்மானை யாடி யருளே -
        ஆரண முழக்கு கம லாகர புரத்தலைவி யம்மானை யாடி யருளே (6)

        வேறு.

முத்த மிழைத்தன வும்பவ ளத்திரண் மொய்த்தன வுங்கலைகண் -
        முற்று நிறைந்த பசுங்கிர ணச்செழு முழுமதி யாமெனவும், --
எத்திசை யுங்கதிர் கான்றிருள் சீத்தெழு மென்றூ ழாமெனவும் -
        எண்ணி யுணற்கெழு மூன்று ளராவு மிருஞ்சிறை நேமியுநின், --
னுத்தி முலைக்கு மிடைக்கு மிடைந்தய லோடவும் வெம்பசியால் -
        உயங்கு சகோர மயங்கி யுடன்றிரி வுற்று வருந்தவுமென், --
னத்த னுளத்தினடிக்கு மடப்பிடி யாடுக வம்மனையே -
        அரந்தை துரந்து குளந்தை புரந்தவ ளாடுக வம்மனையே. (7)

வடங்கெழு கொங்கை நிகர்ப்ப வளர்ந்த வடாது பொருப்பினைநின் -
        மகிணர் கரத்தினி லின்னும் வளைத்திடு மாறொரு சூழ்ச்சிநினைந், --
துடங்கழி மூன்று புரங்களை மீண்டு முலாவ வெழுப்பிவரம் -
        உதவிவெளிக்கண் விடுத்தல் கடுத்திட வொள்ளொளி முத்தினுமேர், --
முடங்க லுறாதொளிர் நீல மயத்தினு மொய்த்த பசும்பொனினும் -
        முற்ற வமைத்து விடுத்தரு ளம்மனை மூன்றும்விண் மீதுலவ -
அடங்கிய வன்ப ருளங்குடி கொண்டவ ளாடுக வம்மனையே -
        அரந்தை துரந்து குளந்தை புரந்தவ ளாடுக வம்மனையே. (8)

உய்ய வரந்தரு நித்தன் முகத்தி லுயங்க முனந்தகையும் -
        ஒண்கர மின்னு மொறுத்த லுறுதுற வாடிநயப்ப மெனா,--
வெய்ய நெருப்பெழு செங்கதி ருங்குளிர் வீசு பனிக்கதிரும்-
        மேவி யகங்கையி னோடுறு கேண்மை விளைத்துவிண் ணேகுதல்போற்,--
செய்ய மணிப்பவ ளத்தி னிழைத்த செழுந்திர ளம்மனையுந்-
        தெள்ளிய முத்தி னிழைத்த கதிர்க்குவை சிந்திய வம்மனையும்,--
ஐய நுசுப்பொசி யத்தளி ரங்கையி னாடுக வம்மனையே -
        அரந்தை துரந்து குளந்தை புரந்தவ ளாடுக வம்மனையே (9)

கதிருமிழ் நீல மணித்திரண் மொய்த்த கருஞ்சுடரம்மனைநின் -
        கட்படை யாலடி யார்மல மோடல் கடுப்ப வெழுந்துலவ,--
முதிரொளி துற்ற செழும்பவ ளத்திரண் முற்றிய வம்மனையும் -
        மும்மலம் வென்ற திறற்பிர தாப முளைத்தெழ லொத்தெழவெண், --
மதிநிகர் முத்த நிரைத்து வனைந்தவம் மானை யதன்பிறகே -
        வயங்கிய கீர்த்தி திரண்டெழுகின்றது மான வெழுந்துலவ,--
அதிர்வளை யங்கையினாலமு தாம்பிகை யாடுக வம்மனையே -
        அரந்தை துரந்து குளந்தை புரந்தவ ளாடுக வம்மனையே (10)

அம்மானைப்பருவ முற்றிற்று.
-----------------------
9. நீராடற்பருவம்.


தேங்கிய செழுங்கலைத் திங்களுக் கருள்செய்த செல்வர்முடி மீதுதானுந் -
        திளைத்தாடு முரிமையாற்றிளைத்தாடு வோர்க்கெலாந் தீப்பிணிப் பவந்தெறுதலால், --
ஓங்கிய கலித்திரைக் கங்கையொன் றே நம்மை யொத்ததா மென்றதனொடும்-
        உறவாடல் வேட்டெழுந் தாலென்ன விண்ணத் துயர்ந்துடுக் கூட்டமலைமேற் -
றாங்கிய கிளைக்குலங் கான்றமணி யைத்தனது சாதியென வோகைகூரத் -
        தண்கதிர்க் கடவுளொடு செங்கதிரை யண்டத் தடஞ் சுவர்ப் பிடரினேற்றி,--
வீங்கிய வொலிக்கூட்ட மீன்றுவரு பாலிநதி வெள்ளநீ ராடியருளே -
        வெறிநறாச் சோலைசூழ் தென்குளத் தூரம்மை வெள்ளநீ ராடியருளே. (1)

இருகவு ளுடைந்தூற்று பூங்கடாங் கமழ்முகத்தெறுழ்வலிக் முழூஉக்களிறெலாம் -
        எழிலிக் குழாத்திற் பெயர்ந்துழி தருஞ்சிகரி யிடமாதி நான்குமாற்றத், --
தருவள னடங்கத் தழீஇக்கொண்டு பின்னவை தளர்ந்துகலி கூராவகை -
        சாலவெதி ரொன்றுக் கனந்தமாப் பெருவளன் றண்டா தளித்துவரிசூழ், --
அருநில னிடத்தொருவர் தினையளவை யாற்றிடினு மருளினிலை பெறுவாழ்க்கையோ -
        டழியாத திருவுமெதி ராங்கவர்க் குதவுநின் னடியவரை யொத்துமாக்கள் -
வெருவியய லோடத் தழங்கிவரு பாலிநதி வெள்ளநீ ராடியருளே -
        வெறிநறாச் சோலைசூழ் தென்குளத் தூரம்மை வெள்ளநீராடியருளே. (2)

வளைத்தமுப் புரிசைத் தலத்தினின் றயில்கொண்ட வாளிக்கு ழாமெழுதல்போல் -
        வயங்கிய பசும்பொற் றிரட்குவட் டினையும்வல வாளரித் திரளையுநெடுந்,--
துளைத்தகை முகக்கடாக் குஞ்சரத் தினையுஞ் சுழிக்குமச் சுழிமூன்றினுந் -
        துண்ணெனவெழுந்தநெட் டுடல்வாளை தெய்வத் துறைப்புனற் கங்கை நதியிற், --
றிளைத்ததிற நோக்குவார்க் கிப்புனல் படிந்தாடு செய்தவப் பயனையிந்தத் -
        திண்பூத பரிணாம தேகத்தி லுதவுமா தீர்த்தமிது வெனவியப்பு, --
விளைத்துவிண் ணாடும் பழிச்சவரு பாலி நதி வெள்ளநீ ராடியருளே -
        வெறிநறாச் சோலை சூழ் தென்குளத் தூரம்மை வெள்ளநீ ராடியருளே.(3)

திரைத்தொலி பரப்பியலை வீசும் பெருங்கடற்றீம்பயம் பருகியார்த்துச் -
        செல்லின மெழுந்துநெடுவான்படர்த லுந்தனது தீர்த்தம் படிந்தாடுநர்,--
புரைத்தொகை விளைக்குமல மாயைகள் மக்குழாம் பொள்ளென விரிந்தோடலும் -
        புரையக் கருங்குழற் காட்டுமலர் கூரும் பொலஞ்சிறைத் தும்பிமுழுதும்,--
இரைத்துமணி வானத் தெழுந்தோட நீராடு மேந்திளங் கொங்கைமடவார் -
        ஏறிட்ட மணியணிகள் சிந்திய கரைக்கணின் னிணையடி வருந்தாவகை,--
விரைத்துணர் நிரம்பப் பரப்பிவரு பாலிநதி வெள்ளநீ ராடியருளே -
        வெறிநறாச் சோலைசூழ்தென்குளத் தூரம்மை வெள்ளநீ ராடியருளே. (4)

கொழுந்தாம மாடவது சுற்றுங் குழற்கற்றை கூட்டுவிட் டாடவதனிற் -
        குடிகொண்ட மாதர்ச் சுருப்பின முகேரெனக் குரல்விளைத் தாடவதுசூழ்,--
செழுந்தா துகுங்கஞ்ச வெள்ளனந் திரையூடு சேர்ந்தாட வதனருகுநின் -
        றிருமேனி கண்டின மெனப்பிணி முகக்குலஞ் சிறைவிரித் தாடவதுபோல்,--
எழுந்தாடு தெய்வப் பிணாக்குழாங் கண்டு கண் டின்பநீ ராடவர்தோள் -
        இணங்கும் பெரும் புலவர் கைகொட்டி யாடவெள் ளீர்ம்புனற் கங்கைபுவிமேல்,-
விழுந்தாங் கொழுங்குகொண் டாடி வரு பாலிநதி வெள்ளநீ ராடியருளே -
        வெறிகறாச் சோலைசூழ் தென்குளத் தூரம்மை வெள்ளநீ ராடியருளே. (5)

        வேறு.

ஏந்து பிறைவெண் மருப்புரற்கா லெழில்கூர் மலைவா ரணத்திரள்கள் -
        எய்திப் பரவை கலக்குமலை யேய்ப்பத் துளைந்து விளையாடி, --
நீந்தி யணைந்து கரையேறி நிறையுங் களிப்பு மீக்கொண்டு -
        நிலாவெண் டரளக் குவைபெயர்த்து நீள்வா ரிதியின் கரைக்கணலை, --
மாந்து முகிலா லியைச்சொரிந்தான் மானச் சிதறும் பரப்பினிடை -
        வான்மீ னடுவட் பல மதியம் வதிந்தா னிகர்ப்பச் சங்கினங்கள், --
போந்து துயிலும் பாலிநதிப் புதுநீ ராடி யருளுகவே -
        பொற்பார் குளந்தை யமுதவல்லி புதுநீ ராடி யருளுகவே.(6)

வழியுஞ் செழுந்தேங் கமலமலர் மடவா ரமிழ்தே புனலகத்து -
        மறைந்தால் யாங்க ணினைப்பிடிக்க வல்லே மெனவஞ் சினங்கூறச், --
சுழியும் புனனீ யவ்வாறு துண்ணென் றொளிப்ப மற்றவர்தாந் -
        துருவிக்காணா தெங்கொழுநர் சோதிப் பிரான்றா டலையென்ன, --
மொழியு முறுப்போ ரிரண்டையுமே முன்னிக் காணார் யாமிவளை -
        முழுதுங் காணே மெனநாணி முடிசாய்த் தொதுங்கி நிற்பவருள், --
பொழி யும் பசிய முகில்பாலிப் புதுநீ ராடி யருளுகவே -
        பொற்பார் குளந்தை யமுதவல்லி புதுநீராடி யருளுகவே. (7)

திரையுந் தனது நறும்புனலிற் றிளைத்து முழுகுமடவார்தஞ் -
        செழுந்தேந் தொடையற் சுருப்பினங்கள் சேட்சென்றகலும் படிவிலக்கி -
உரையுந் தொழிலு முள்ளமுந்தன் னுழைச்சேர்த் தழுந்து வோர்மலநோய் -
        ஒருவுந் தொழிலைத் தெரித்திதழி யுறழப் பொன்னும் வெண்டலைபோல், --
நுரையுஞ் சடை போற் றுவர்க்கொடியு நுணுகு மதிபோற் கரிக்கோடும் -
        நுடங்க நடித்து வெளுத்துமறை நுவலற் கரிய பரம்பொருளைப், --
புரையுஞ் செல்வப் பெரும்பாலிப் புதுநீ ராடி யருளுகவே -
        பொற்பார் குளந்தையமுதவல்லி புதுநீ ராடி யருளுகவே. (8)

        வேறு.

முகமல ரினையொளி யுகுமதி யாமென முண்டகநொந்தயர -
        முன்கையி லேற்றிய சங்கொடு சங்கமுழங்கிக் கரைபுரள, --
மகர விருங்குழை யெதிரிய கெண்டை மலங்கு கயற்குலம்வார் -
        வாளை கலங்கி யெழுந்து குதிப்ப வயங்கு சுணங்கிலமென், --
றகநெகு புற்புத முலையி னுடைந்திற வறல்குழல் போற்றகரம் -
        அணிந்தில மெனநின தடியிற் றன்கவினழியத் திருமருவிப், --
புகழ்நிறை யுங்கம லாகரி பாலிப் புதுநீ ராடுகவெ -
        பூரண ஞான புராதனி பாலிப் புதுநீ ராடுகவே. (9)

விற்புரு வங்குழை யக்கரு நீல விழித்துணை செங்குவளை -
        வெல்லநின் மேனி தழைப்பமு கேரென வீங்கிய நீர்குடையா, --
நிற்புகழ் தெய்வ மடந்தையர் மீதினி னீள்சிவி றித்துளையான் -
        நிரைத்த குறுந்துளி தம்மூட லெங்கு நிரத்தலும் வானவர்தங், --
கற்புரை தோள்கள் புதைத்தன ராடக் கடவுள் சடாமகுடக் -
        கங்கை யவன்றலை யைந்தொடு மாடக் காசினி கொண்டாடப், --
பொற்பு மிகுங்கம லாகரி பாலிப் புதுநீ ராடுகவே -
பூரண ஞான புராதனி பாலிப் புதுநீ ராடுகவே. (10)

நீராடற்பருவ முற்றிற்று.
-------------

10. ஊசற்பருவம்.


ஒழுகொளி பரப்பிக் கதிர்த்தெழும் பரிதியை யொழுக்கித் திரட்டியதுபோல் -
        உரகமுமிழ் செம்மணித் தூணிறுவி யதனும்ப ரொளிநிலாக் கான்ற கலைகள், --
முழுதுநிறை திங்களை யுருட்டி நீட்டிய தேய்ப்ப முதிர்வயிர விட்டமிட்டம் -
        முழுமதியினின்றிழியு மமிழ்ததா ரைகளென்ன முத்தணி வடங்கடூக்கிப், --
பழுதகலு நவமணிப் பலகையிடை மூட்டியப் பலகைமேன் மதியமிழ்துணப் -
        பச்சிளங் கிள்ளையொன் றேறினா லென்னப் பரிந்திருந் தருளிமுலைமேற், --
புழுகொழுக வுயிர்களுக் கருளொழுகுமமுதம்மை பொன்னூச லாடியருளே -
        பூரண மதிக்கருள் புரிந்தகம லாகரீ பொன்னூச லாடியருளே. (1)

செயலையந் தாருவை யுதைத்தாடு தொறுமச் செழுந்தருப் பூக்கள்சொரியுஞ் -
        செயலுதைக் காற்றாது தனைநீங்க வெண்ணிநந் தேவைத் தணந்துவிளையாட், --
டியலைமேல் கொண்டநின் மீதலர்ப் பூம்பகழி யிளையாது சொரிவதெனவும் -
        இதுகண் டதற்குநேர் விழிச்சுரும் பீந்தருளி யிளநிலா நகைமுகிழ்ப்ப, --
அயலுறூஉங் கொடிமுல்லை யூழ்த்தலர் சொரிந்திட லருந்துணைமை பூண்டுதானும் -
        அலர்வாளிபெய்திடுந் திறனெனவு மேர்காட்ட வைம்படை பொறுத்த பச்சைப், --
புயலொடு பிறந்தருட் கடலொடு வளர்ந்தமின் பொன்னூச லாடியருளே -
        பூரண மதிக்கருள் புரிந்தகம லாகரீ பொன்னூசலாடியருளே. (2)

நிலம்பொலி யுயிர்ப்பயிர் மலக்கொடுந் தழல்வெம்மை நீத்துமெய்ஞ் ஞானமலரா -
        நின்மலா னந்தச் செழுங்கனி கனிந்தோங்க நிறையருட் சூல்கொண்டுபொற், --
கலம்பொலியு முருவெலாம் பச்சென்று தோற்றிக் கருங்குழற் கற்றைநாப்பட் -
        கதிர்த்தசிறு கீற்றினான் மின்னியொளி கூர்நுதற் கார்முகங் கவின வாங்கிச், --
சிலம்பொலிசெய் கிண்கிணிப் பருமத்தினாற்பெருந் தீங்குர லெடுத்திடையறாத் -
        திருவருட்டாரைபொழி செய்கைக்கு வாய்ப்பவான் சேர்ந்துலாய் நிற்றலுறழப், --
புலம்பொலியு மடியார்கள் சிந்தைகுடி கொண்டவள் பொன்னூச லாடியருளே -
        பூரண மதிக்கருள் புரிந்தகம லாகரீ பொன்னூசலாடியருளே. (3)

மனக்குல மிடைந்துபின் காட்டவிசை கொண்டாடும் வன்மையா னினதுருவெலாம் -
        மணித்திர ணிரைத்தெனச் சிறுவெயர் பொடித்தலும் வழிநின்றுபணிகேட்டுநின், --
னைக்கவி னடைத்திறங் கற்கவரும் வெள்யானை யஞ்சிச் செவிக்காலெறிந் -
        தந்தரக் கங்கையை மடுத்துத் துளித்துவெய ராற்றுமத்திவலைபரவா,--
நினக்கடிமை பூண்டுமுன் போற்றுமிமை யோர்முத னெடுந்தருப் புல்லிறுதியின் -
        நிரத்தலா லனைத்துநின் மயமெனுஞ் செஞ்சொல்லை நிலையுறுத் திடுவதேய்ப்பப்,--
புனக்கிளி நிகர்த்தமென் றீங்கிளவி யமுதம்மை பொன்னூச லாடியருளே -
        பூரண மதிக்கருள் புரிந்தகம லாகரீ பொன்னூசலாடியருளே. (4)

திங்களொளி காட்டுமுக மீதுலாவு நாட்டச் செழுங்கய லுதைந்தூக்கலாற் -
        செம்பொனி னிழைத்தமகரக்குழைக ளுஞ்செவிச் செங்கனக வூசலாடப்,--
பங்கய விருக்கைமட மாதரது நோக்கியிரு பாலுமிரு வேமாட்டவும் -
        பாயுங் கயற்குல மசைக்குமவ்வூசலிற் பாய்ந்திலதிவ் வூசலெனநீள்,--
அங்கையின் வலித்துநனி யாட்டுதொறு நின்வா யரும்புநகை நிலவெழிலினுக்-
        காங்கவர் முகத்திங்கள் சாயப் புராணமறை யாகம மளந்தறிவரும்,--
புங்கவன் மருங்கு குடி கொண்டவமு தாம்பிகை பொன்னூச லாடியருளே -
        பூரண மதிக்கருள் புரிந்தகம லாகரீ பொன்னூச லாடியருளே. (5)

திண்ணிய பொலஞ்சிகரி வாங்கிய பிரான்சென்னி தெரிகலா மறையோதிமஞ் -
        செப்புபழி மொழிமாறுமாறுனக் கூர்தியாய்ச் சேர்ந்துநின் றாள்சுமந்து,--
தண்ணிய நினாதுகண் ணருள்கிடைத் துன்னுழிச் சார்ந்திறைவ
        *ரைடமீரக்* - *காள்பணியு மேல்வைவரலும்,--
கண்ணியவவ் வஞ்சனை யறிந்ததனை யலமாக் காண்டுமென வுன்னியேறிக் -
        ககனத்து முன்பின்ன தாகக் கடாவுதல் கடுப்பவெண் டரள மொய்த்துப்,--
புண்ணிய மலர்ந்தனைய வொண்பலகை யேறிநீ பொன்னூச லாடியருளே -
        பூரண மதிக் கருள் புரிந்தகம லாகரீ பொன்னூச லாடிஇருளே. (6)

* Image unclear

அரவமுமிழ் செம்மணித் திரள்சுற் றிழைத்திடை யலங்கொளிய நித்திலத்தால் -
        அமைத்தத னடுச்செழுஞ் செம்பட் டலங்கரித் தவிர்பலகை மீதிருத்தல்,--
இரவகல வெங்கதி ருகும்பரிதி மண்டல மிளம்பனிக் கதிர்மண்டலம் -
        எரிக்கடவுண் மண்டலங் கீழ்தொட்டு முறைமூன்று மேய்ந்தபூந் தவிசிலடியார்,-
பரவநீ நின்றநிலை யொப்பவா னந்தமெய்ப் பண்ணவன் விழிச்சுடர்கணின் -
        பாலணுகு காட்சியப் பரிசறிந் தெம்மையும் பரூஉமணித் தவிசெனக்கொள்,--
புரவுபூண் டருளென்று வேண்டுதல் கடுப்பவுயர் பொன்னூச லாடியருளே -
        பூரண மதிக்கருள் புரிந்தகம லாகரீ பொன்னூச லாடியருளே. (7)

சுத்தமு மசுத்தமு மெனப்படுங் கொடுமாயை தூணாக விருளாணவந் -
        தொடுத்தநெடு விட்டமாக் கருமப் பெரும்பகுதி தூக்கிய வடங்களாக,--
வைத்தமா யேயமே பலகையா முடிவிலா வான்புவன கோடிமுற்றும் -
        மகிழ்ந்தாடு வெளியாக வாருயிர்க் குழவிகளை மரணம் பிறப்பென்னுநோய்,--
மொய்த்த மணி யூசல்வைத் தாட்டிக் கடைத்தலை முடங்கா தெடுத்தணைத்து -
        முதுக்குறை வளித்துமேற் பரமுத்தி வீடுய்த்து மூவாத வானந்தமாம்,--
புத்தமிழ் தருத்திமெய்த் தாயாய் வளர்ப்பவள் பொன்னூசலாடியருளே -
        பூரண மதிக்கருள் புரிந்தகம லாகரீ பொன்னூச லாடியருளே. (8)

நாந்தகப் பொருபடை விதிர்த்தனைய விமையாத நாட்டத் தரம்பைமாரும் -
        நளினக் கரங்கூப்பி யெதிர்நிற்கு முகில்வண்ண நாயகன் முதற்றேவரு,--
வேய்ந்தசெம் பொற்பெரும் பூண்களி னிழைத்தபல வேறுகுல மணிகடொறுமவ் -
        விரிகதிர்ப் பேதத்தி னுக்கேற்ப நின்னூசன் மின்னிழல் பரப்புதோற்றம்,--
வாய்ந்தமெய்த் தொண்டுசெயு மன்பர்க ளுளந்தொறும் வயங்குபரி பாகபேத -
        மார்க்கத்தி னுக்கிசைய மன்னிநீ விளையாடும் வாய்மையைக் காட்ட வளிவீழ்,--
பூந்தகர வார்கருங் கூந்தலமு தாம்பிகை பொன்னூச லாடியருளே -
        பூரண மதிக்கருள் புரிந்த கம லாகரீ பொன்னூச லாடியருளே. (9)

அண்டப் பரப்பெங்கு மண்டிப் படர்ந்த பேரானந்த வெள்ளம்வாழ -
        அருட்சரியை கிரியை சிவ யோகமொடு ஞானமெனு மதிகசிவ தருமம்வாழக்,--
கண்டவர்க் கினியநஞ் சோமேசர் வாழநின் கட்கடைக் கருணைவாழக் -
        காசினி யொருங்குசிவ பத்திகுரு பத்திசங் கமபத்தி செய்துவாழ,--
வெண்டிருப் பூதியுய ரக்கமணி வாழமெய் விளைக்குமஞ்
        செதைநகர் மேன்மேற் செழித்துவாழப் -
புண்டரநுதற்றொண்டர் தங்குழாம் வாழநீ பொன்னூச லாடியருளே-
        பூரண மதிக்கருள் புரிந்தகம லாகரீ பொன்னூச லாடியருளே. (10)

        ஊசற்பருவ முற்றிற்று.
        ------
        குளத்தூர் அமுதாம்பிகை பிள்ளைத்தமிழ் முற்றிற்று.
        -----------
        சிவஞானசுவாமிகள் திருவடிவாழ்க.
        ----------------

        சிவஞானசுவாமிகள் திருநக்ஷத்திரம்.

மன்னும் விசுவா வசுவருட மேடமதி
யுன்னிரவி நாட்பகலோ தாயிலியம் - பன்னுந்
திருவாள னெங்கோன் சிவஞான தேவன்
றிருமேனி நீங்கு தினம்.

        ------------------
        பிரகடனபத்திரம்.

        இதுவரையிற் பதிப்பிக்கப்பட்டபுத்தகங்கள்

குளத்தூரப் பிள்ளைத்தமிழ்.
கலைசைச்செங்கழுநீர் விநாயகர் பிள்ளைத்தமிழ்.
கலைசைச் சிலேடைவெண்பா.

        இனிப்பதிப்பிக்கப்படும் புத்தகங்கள்.

காஞ்சிப் புராணம்.
விநாயக புராணம்.
திருத்தணிகைப் புராணம்.
திருவானைக்காப் புராணம்.
பேரூர்ப் புராணம்.
பூவாளூர்ப் புராணம்
முதுமொழி வெண்பா.
இளசைப் பதிற்றுப்பத்தந்தாதி.
குளத்தூர்ப் பதிற்றுப்பத்தந்தாதி.
கலைசைப் பதிற்றுப்பத்தந்தாதி.
கம்ப ரந்தாதியுரை.
முல்லையந்தாதியுரை.
கச்சி யானந்த ருத்திரேசர்வண்டுவிடுதூது.
கச்சி யானந்த ருத்திரேசர் பதிற்றுப்பத்தந்தாதி.
திருத்தணிகை யாற்றுப்படை.
திருத்தணிகைப் பதிற்றுப்பத்தந்தாதி.
பஞ்சரக்கர வந்தாதி.
துறைசைக் கோவை.
கலைசைக்கோவை.
திருப்பெருந்துறைப் புராணம்.
திருவாவடுதுறைப் புராணம்.
---------------------------------